רוי:אבישג השונמית

אבישג השונמית איז געווען זייער א שיין מיידל, וועמען מ'האט אויסגעקליבן צו זיין די באדינערן פון דוד המלך אין זיין עלטער, אבער ער האט איר נישט פארהייראט. ווי עס שטייט אין מלכים פרק א':

אין יידיש:

און דער מלך דוד איז געװאָרן אַלט און באַטאָגט... און זײ האָבן געזוכט אַ שײן מײדל אין גאַנצן געמאַרק פון ישׂראל, און זײ האָבן געפונען אַבֿישַג פון שוּנֵם און האָבן זי געבראַכט צום מלך. און די מײדל איז געװען שײן ביז גאָר; און זי איז געװען דעם מלך אַ װאַרטאָרין, און האָט אים באַדינט; אָבער דער מלך האָט זי ניט דערקענט.

אין לשון קודש:

וְהַמֶּלֶךְ דָּוִד זָקֵן, בָּא בַּיָּמִים... וַיֹּאמְרוּ לוֹ עֲבָדָיו, יְבַקְשׁוּ לַאדֹנִי הַמֶּלֶךְ נַעֲרָה בְתוּלָה, וְעָמְדָה לִפְנֵי הַמֶּלֶךְ, וּתְהִי-לוֹ סֹכֶנֶת; וְשָׁכְבָה בְחֵיקֶךָ, וְחַם לַאדֹנִי הַמֶּלֶךְ. וַיְבַקְשׁוּ נַעֲרָה יָפָה, בְּכֹל גְּבוּל יִשְׂרָאֵל; וַיִּמְצְאוּ, אֶת-אֲבִישַׁג הַשּׁוּנַמִּית, וַיָּבִאוּ אֹתָהּ, לַמֶּלֶךְ. ד וְהַנַּעֲרָה, יָפָה עַד-מְאֹד; וַתְּהִי לַמֶּלֶךְ סֹכֶנֶת וַתְּשָׁרְתֵהוּ, וְהַמֶּלֶךְ לֹא יְדָעָהּ.

אין די מפורשים איז דא א מחלוקה, צי וועלכן צוועק מ'האט גענומען אבישג פאר דוד המלך. לויט פשוט'ן פשט, איז דער צוועק געווען פאר די סיבה וואס שטייט אין פסוק, אז דוד המלך איז אלט געווארן און די קליידער האבן אים שוין נישט געווארימט ווי אמאל, האט מען דערפאר געזוכט א מיידל (וואס ווארימט מער ווי א חתונה געהאטע פרוי -= רש"י). דער מלבי"ם און אנדערע זאגן אבער אנדערש און טייטשן דאס ווארט "ותהי לו סכנת ושכבה בחיקך אנדערש).

דער בלאט קומט פון יידיש-וויקיפעדיע.
אריגינעלער בלאט • ערלויבעניש cc-by-sa 3.0.

דאס איז נישט קיין המכלול ארטיקל, בלויז עפעס וואס ליגט דא ביז עס וועט ערזעצט ווערן מיט בעסערס. שרייבט עס איבער!