רוי:רבי מנחם מענדל הורוויץ (לינסק) (ב)

רבי מנחם מענדל הורוויץ זצ"ל (דער צווייטער) (ה'תרמ"ד - ה'תש"ג), רב אין לינסק.

אפשטאם

רבי מענדל'י איז געבוירן אין יאר ה'תרמ"ד (אומגעפער) , צו זיין פאטער הרב מאיר הורוויץ רב אין לינסק, א זון פון הרב אברהם חיים הורוויץ (דער צווייטער) , רב אין לינסק, א זון פון הרב מנחם מענדל הורוויץ, רב אין לינסק, א זון פון הרב אברהם חיים הורוויץ, רב אין לינסק, א זון פון הרב נפתלי צבי הורוויץ, דער ראפשיצער רב. און צו זיין מוטער מרת הינדא רחמה א טאכטער פון הרב נפתלי צבי פרנס, פון צאנז, אן אייניקל פון מגלה עמוקות.

רבנות

נאך זיין חתונה האט רבי מענדל'י געוואוינט אין סטראפקאוו אין געגעסען קעסט ביי זיין שווער, נאכהער האט ער זיך געצויגן מיט זיין שווער קיין קאשוי. אין יאר ה'תרפ"ג ווען זיין פאטער איז נפטר געווארן איז רבי מענדל'י אויפגענומען געווארן אלס ממלא מקום פון פאטער, רב אין לינסק, מיט אים האט זיך געשלאסן דאס לינסקער רבנות וואס האט זיך געצויגן איבער צוויי הונדערט יאר.

הסתלקות

רבי מענדל'י איז דערשאסן געווארן אין זעסלאוו ה'תש"ג, הי"ד.

פאמיליע

ד' תמוז ה'תרס"ו האט רבי מענדל'י געהייראט אין סטראפקאוו מרת חיה א טאכטער פון הרב אברהם שלום האלבערשטאם, דער סטראפקאווער רב, (פון זיין צווייטע זיווג, בזיווג ראשון איז ער געווען א פעטער פון רבי מענדל'י) ווען רבי מענדל'י איז געווארן פארלויבט האט דער סטראפקאווער רב זיך געמאכט א ווערטעל כ'האט געמיינט אז איך בין שוין פטור געווארן פון די ראפשיצער אייניקלעך. זייערע קינדער:

• החתן יחזקאל שרגא הורוויץ הי"ד.
• הבחור מאיר יעקב הורוויץ הי"ד.
• הבחור נפתלי צבי הורוויץ הי"ד.
• החתן שמואל אריה הורוויץ הי"ד.
• מרת פייגא ביילא הי"ד, די ווייב פון הרב בן-ציון האלבערשטאם, א זון פון הרב אביגדור צבי האלבערשטאם פון בארדיאוו, הי"ד.
• מרת חנה רחל הי"ד, די ווייב פון הרב חיים אליעזר היילפערין, הי"ד.
• הבתולה רבקה הי"ד.
• הבתולה מרים יוכבד הי"ד.

רעפערענצן

• זרעא קדישא
• אנציקלופדיה לחכמי גליציה, מאיר וונדר

דער בלאט קומט פון יידיש-וויקיפעדיע.
אריגינעלער בלאט • ערלויבעניש cc-by-sa 3.0.

דאס איז נישט קיין המכלול ארטיקל, בלויז עפעס וואס ליגט דא ביז עס וועט ערזעצט ווערן מיט בעסערס. שרייבט עס איבער!