רוי:משנה ברורה

טעקע:MBH.jpg

משנה ברורה

משנה ברורה איז אַ הלכה־ספר פונעם חפץ חיים. דער ספר איז זייער אנגענומען געווארן ביי די פרומע, איבערהויפט ביי די אשכנזישע קרייזן.

דער ספר איז א זאמלבוך פון הלכות פונעם באנד אורח חיים אין שולחן ערוך. דער מחבר האט געארבעט 30 יאר שרייבן דאס ספר (געענדיגט י"ט מרחשון תרס"ז). דאס ספר איז געגרונדעט אויף די פסקים פון ראשונים און אחרונים.

דער "משנה ברורה" איז צעטיילט אין זעקס בענדער:

1. הלכות השכמת הבוקר תפילין ציצית, קריאת שמע און תפלה
2. הלכות נשיאת כפים וברכות
3. הלכות שבת
4. הלכות עירובין וראש חודש
5. הלכות ימים טובים (חלק א')
6. הלכות ימים טובים (חלק ב')

• דער עוז והדר אנשטאלט האט ארויסגעגעבן דעם "משנה ברורה המבואר" (אומגעפער 20 בענדער) מיט א ברייטן פירוש אויף די משנה ברורה און ביאור הלכה.

• די דרשו ארגאניזאציע האט ארויסגעגעבן אן אויסגאבע פון משנה ברורה מיט הערות פון היינטיגע פוסקים; מען לערנט די גאנצע משנה ברורה אדורך אין זיבן יאר.