רוי:לאטקע

א לאטקע (העברעאיש: "לביבה") איז א טראדיציאנאל געפּרעגלט מאכל וועלכע באשטייט בעיקר פון געריבענעם קארטאפל און אייער, וועלכע שטאמט פון די אשכנזישע יידן אין אייראפע.

טייל לייגן אויך אריין קנאבל און ציבעלע לויטן געשמאק.

אין פארשידענע פלעצער האט מען עס געמאכט פון אנדערע גרינצייג, לויט וואס עס איז דארט געווען צו באקומען.

עס איז איינגעפירט צו עסן אום חנוכה צוליב וואס עס ווערט געפרעגלט אין אויל אלס זכר צו דעם טהור'ער פך של שמן וואס מען האט געטראפן.

פארהאן וואס מאכן עס מיט קעז, דערמיט שטעלן זיי צוזאם די מנהגים פון לאטקעס און עסן מילכיגס.

דער מאכל איז אויך היפש פארשפרייט אין רוב אייראפעאישע קיכן מיט ענליכע רעצעפטן אונטער אנדערע נעמען.

אין ישראל איז היפש מער פארשפרייט צו עסן די פאנטשקעס, און טייל רופן די פאנטשקעס "לאטקעס".

דער נאמען

דער נאמען קומט פון רוסישן\אוקריינישן ווארט: "латка" וואס מיינט א לאַטע.

עס הייסט ווארשיינליך אזוי וויבאלד עס איז ענליך צום פארעם פון א לאטע.

עס ווערט אזוי גערופן אפילו ביי אמעריקאנער יודן וואס רעדן שוין נישט קיין ווארט יודיש.

וועבלינקען

• א ווידיאו ווי אזוי צו מאכן לאטקעס http://gipsychef.com/2012/03/17/potato-latkes-healthy-recipe/
• איבער דאס ווארט לאטקע ביי בלשון http://www.balashon.com/2006/12/latke.html
• אן ארטיקל וואס דיסקוסירט פארוואס מ'זעהט נישט אזויפיל לאטקעס אין ישראל http://www.thejc.com/lifestyle/food/25127/why-israel-a-latke-free-zone