אונטערשייד צווישן ווערסיעס פון "רוי:רבי צבי הירש ראזנבוים"

[[טעקע:מנגן עם כינור בדביקות.jpg|קליין|רבי צבי הירש ראזנבוים שפילט א פידל]]

רבי '''צבי הירש ראָזענבוים''' ([[ה'תר"פ]] - [[ט"ז אייר]] [[ה'תשס"ו]])''',''' באקאנט אלץ ר' הערשעלע דער '''אלטער רבי פון קרעטשניף''', איז געווען דער [[קרעטשניף (חסידות)|קרעטשניפער]] רבי פון [[ירושלים]].

רבי הערשעלע איז געבוירן אין יאר [[ה'תר"פ]] אין [[רומעניע]], צו זיין מוטער מרת רייצא, טאכטער פון [[רבי צבי הירש ריינמאן]], דער [[רב]] פון קרעטשניף, און צו זיין פאטער [[רבי ניסן חיים ראזנבוים]] אב"ד [[בראדשין]], זון פון [[רבי אליעזר זאב ראזנבוים (א)|רבי אליעזר זאב ראזנבוים]] פון קרעטשניף, זון פון [[רבי מאיר ראזנבוים]] פון קרעטשניף, וועלכער איז געווען א זון פון [[רבי מרדכי לייפער (נאדווארנא)|מרדכי'לע נאדווערנער]].

אלס בחור האט ער זיך זייער אסאך געדרייט ביי זיין זיידן רבי לייזער וואלף, און דארט האט ער קונה געווען זיין גאנצן דרך, ער האט געלערנט זייער אסאך [[תניא]], ער האט אלס בחור געענדיגט 101 מאל דעם ספר. איידער דער [[צווייטע וועלט מלחמה|צווייטער וועלט מלחמה]] האט אויסגעבראכן, איז ער א חתן געווארן מיט מרת שפרה, די טאכטער פון זיין פעטער [[רבי חיים מרדכי ראזנבוים]] פון נאדווארנא, אבער די חתונה איז פארגעקומען אייגנטליך נאר נאכדעם וואס די מלחמה האט זיך געענדיגט.

==ביי די מלחמה==

רבי הערשעלע האט זיך אסאך ארומגעדרייט מיט [[רבי יחיאל מיכל מיכלאוויטש]], וועלכער איז באקאנט אלס ר' מיכ'לע מ[[נתניה]], ער האט זיך אמאל אויסגעדריקט אז די איינציגסטע זאך וואס האט אים געפעלט ביי דער מלחמה איז א [[בית מדרש]] וואס דאווענט אויפן זיידנ'ס נוסח.

נאך די מלחמה איז ער געגאנגען לערנען אין די ישיבה ביי [[רבי יוסף צבי דושינסקי]], ער האט שוין אנגעהויבן פראווענען פאר די חתונה, ער האט קודם געוואוינט אין [[קרית אתא|כפר אתא]] און דערנאך אין יאר [[ה'תשמ"ב]] איז ער געגאנגען וואוינען קיין [[ירושלים]], וואו ער האט אויפגעשטעלט א בית מדרש אויף דער אבינועם ילין גאס. ער פלעגט גאר שטארק זיך קאכן אין קדושת שבת, ער פלעגט פירען גאר לאנגע שבת [[טיש]]ן, ער האט געהאט גרויסע ענינים ביים עסן די קוגל פרייטאג צונאכטס, און טאנצן א לאנגע צייט ביים [[טיש]], ער פלעגט דאווענען לאנג און מיט א ברען. יעדע זאך אין [[אידישקייט]] איז געווען ביי אים א גרויסער עסק, ווי למשל זיין הדלקות נרות חנוכה, אדער זיין ספירה ציילן, מגילה ליינען, וכדומה, ער פלעגט פארלערנען [[תניא]], יעדן טאג פארן דאווענען, און ער איז געווען זייער מקושר צום [[רבי שניאור זלמן פון לאדי|בעל התניא]], און ער פלעגט אים רופן דער הייליגער רבי דער בעל התניא.

ער איז געווען זייער נאנט מיט [[רבי אהרן רוקח|אהר'לע בעלזער]], און רבי אהר'לע איז צוויי מאל איינגעשטאנען ביי אים, אויך האט ער זיך געהאלטן נאנט מיט [[רבי מנחם מענדל שניאורסאהן]], דער [[ליובאוויטש (חסידות)|ליובאוויטש]]ער [[רבי]], און אין דער זעלבער צייט איז ער אויכעט געווען נאנט מיט [[רבי יואל טייטלבוים]], דער [[סאטמאר (חסידות)|סאטמארע]] [[רבי]], און ער האט נישט געזען קיין סתירה אין דעם.

נאך [[פורים]] [[ה'תשס"ו|תשס"ו]] האט זיך זיין מצב הבריאות שטארק פארערגערט און ער האט גערופן זיין זון [[רבי זיידא אליעזר זאב רויזענבוים|זיידל]] זאל קומען פון [[אמעריקא]], און [[מוצאי שבת]] פרשת [[אמור]] [[ט"ז אייר]] [[ה'תשס"ו]] איז ער נפטר געווארן. און [[חסידים]] פון דעם [[רבי]]’ן און [[חרדישע]] [[אידן]] איבער דער גאָרער וועלט האָבן באַוויינט די אבידה פון איינעם פון די עלטסטע רבנים פון דער שארית הפליטה.

*[[רבי זיידא אליעזר זאב ראזנבוים]] (געבוירן [[ט"ו ניסן]] [[ה'תש"י]]){{הערה|נאמען=שריפט}}, ווערט גערופען "דער קרעטשניף-סיגוטער רבי פון אמריקע. ער פלעגט וואוינען אין וויליאמסבורג, דארט וואו ער האט א בית מדרש. אין יאר [[ה'תשע"ה]], איז ער אריבערגעצויגן וואוינען אין ירושלים. ער האט א בית מדרש אויף דער "ראפאפארט" גאס אין ירושלים. עס זענען פאראן צוזעצליכע פיליאלען אונטער זיין פירערשאפט אין בית שמש און [[לאנדאן]]. אין זיווג ראשון האט ער געהייראט מרת פרומט, טאכטער פון ר' [[יחזקאל שרגא מערץ]], און נאכדעם וואס זי איז נפטר געווארן, האט ער געהייראט די טאכטער פון [[רבי אפרים פישל בראך]], אב"ד מאדע.