אונטערשייד צווישן ווערסיעס פון "דרעפט:ליפא שמעלצער"

ליפא איז אויפגעוואקסן  אין [[שיכון סקווירא]], [[ניו יארק]], [[פאראייניגטע שטאטן]]. אין א קינדער געבענטשטע שטוב, זייענדיג איינס-בעפאר-דער-יונגסטער קינד פון 12. זיינע עלטערן זענען געווען [[קריגס איבערלעבער]], זיין פאטער ר' ראובן שמעלצער האט איבערגעלעבט דעם [[צווייטן וועלט מלחמה]] אלס יתומ'ל פון 13 יאר, דורכ'ן [[קאסטנער-צוג]] וואס האט אים געפירט קיין [[בערגן בעלזן]] און פון דארט צו די [[שווייץ]].

אין זיינע בחורישע יארן האט ער געלערענט אין דער ישיבה פונעם [[רבי שמעון לעמבערגער|מאקאווער רבי'ן]] אין [[קרית אתא]], וואו ער איז געווארן א [[הויז בחור]], און די רעכטע האנט פונעם רב. ביז היינט איז ליפא שטארק פארערט אין מאקאווע, און פאר פארדאנקט זיין הצלחה אין א ברכה פון מאקעווער רבי ביים אנהויב פון זיין קאריערע.

אום [[ה' אלול]] [[ה'תשנ"ח]] האט ער חתונה געהאט אין סקווירא צו מרים, פון וועם ער האט געהאט 4 קינדער. זיי האבן דארט געוואוינט ביזן יאר תשס"ו. נאך שווערע קריטיק פון סקווירא קהילה צוליב זיינע אויפטריטן וואס זענען לויט זיי נישט געווען אין איינקלאנג מיט די חסידישע אטמאספערע האבן זיי זיך אוועקגעצויגן קיין [[עירמאנט]], דארט האט ער געבויט א שול. מיט די יארן האט ער זיך דערווייטערט פון די חרדישע געמיינדעס, ער פלעגט זיך לאזן הערן איבער דעם אויף דער [[אינטערנעט]], און ער האט געשיקט זיינע קינדער צו [[מאדערן ארטאדאקס]] מוסדות.  

אין יאר 2018 האט ער ערהאלטן א צווייטער שטאפל דעגרי אין [[פסיכילאגיע]] פון קאלאמביע אוניווערזיטעט. אין יענעם יאר איז אדורך פערזענליכע שוועריגקייטן, צווישן אנדערן האט ער אפגע'[[גט]] זיין ווייב, און ער האט געשטעלט זיין הויז און שול צום פארקויפן{{הערה| איציק אוחנה, ‏ליפא שמלצר מכר את בית הכנסת שלו: "יותר חסידי" , באתר כיכר השבת, 10 בפברואר 2020}}. יענע תקופה איז אויך זיין פאטער נפטר געווארן, דאס האט אים געברענגט צו מאכן א פולקאמע צוריקדריי, און זיך צוריקגעקערט צום חסידישן לעבנסשטייגער און לבוש. און ער האט אנגעהויבן פארשפרייטן מעסעדזשעס איבער זיין שווערע פארגאנגענהייט און די היילונג פראצעדורן וואס ער גייט אדורך.