אונטערשייד צווישן ווערסיעס פון "רוי:קליין שדה-מנוחה"

אין 1941 אין סאַמע אָנהייב פון דער סאָוועטיש-דייטשער מלחמה זענען 218 תושבים פון שטערנדאָרף מאָביליזירט געוואָרן אין דער רויטער אַרמיי (189 פון זיי זענען געפאַלן אין שלאַכטן). 28 תושבים האָבן באַוויזן זיך עוואַקואירן אין מזרחדיקע ראַיאָנען פונעם [[ראַטנפאַרבאַנד]] איידער די קאָלאָניע איז אָקופּירט געוואָרן דורכן דייטשן מיליטער. דעם 17 סעפּטעמבער 1941 האָבן דייטשן און אוקראַיִנישע קאָלאַבאָראַציִאָניסטן צעשאָסן אין שטערנדאָרף 340 אידן. דער ייִדישער בית-עלמין איז רואינירט געוואָרן. אין 1944, נאָך דער באַפרייאונג פון דעם דאָרף האָבן די סאָוועטישע מאכט-אָרגאַנען אומגעקערט דער געוועזענער יידישער קאָלאָניע איר היסטאָרישן נאָמען - קליין שדה־מנוחה. נאָך 1945 האָט אַ טייל אָרטיקע אידן זיך אומגעקערט פונעם פראָנט און פון דער עוואַקואַציע אין זייער געבורטס-דאָרף, הגם דער ייִדישער אויטאָנאָמער ראַיאָן איז ליקווידירט געוואָרן. אין סוף 1940 האָבן אין קליין שדה־מנוחה געלעבט 44 אידן. אין 1967 איז אויפן קבר-אחים פון די אידן דערהרגעטע בעת דער צווייטער וועלט-מלחמה אַוועקגעשטעלט געוואָרן אַ דעמקמאָל. לויט די אָנגאַבן פון דער אוקראַיִנישער פאָלקסציילונג פון 2001 האָט די באַפעלקערונג פון קליין שדה־מנוחה באַטראָפן 245 נפשות, איבערהויפּט אוקראַיִנער.

* [http://www.evkol.nm.ru/m_seydemenukha.htm קליין שדה־מנוחה אויפן וועבזייטל "די ייִדישע לאַנדווירטשאַפטלעכע קאָלאָניעס פון דרום-אוקראַיִנע און קרים"] (אויף רוסיש)

* [http://w1.c1.rada.gov.ua/pls/z7502/A005?rdat1=31.07.2011&rf7571=34491 קליין שדה־מנוחה אויפן וועבזייטל פון דער הויפּט-ראַדע פון אוקראַיִנע] (אויף אוקראַיִניש)