אונטערשייד צווישן ווערסיעס פון "רוי:גזירות ת"ח ות"ט"
אין תקציר עריכה |
ק (החלפת טקסט – "דרויסנדע" ב־"דרויסנדיגע") |
||
| שורה 19: | שורה 19: | ||
[[שבתי צבי]] און [[יעקב פראנק]], זענען ארויף געקומען אויף דער יידישער מאפע, און אידן האבן אנגעפאנגען גלייבן, אז דא וועט קומען די ישועה, דאס איז אויך געווען דער פחד פון די רבנישע וועלט אויף [[חסידים]], האלטנדיג אז דאס איז נאך א משיחישער קולט. | [[שבתי צבי]] און [[יעקב פראנק]], זענען ארויף געקומען אויף דער יידישער מאפע, און אידן האבן אנגעפאנגען גלייבן, אז דא וועט קומען די ישועה, דאס איז אויך געווען דער פחד פון די רבנישע וועלט אויף [[חסידים]], האלטנדיג אז דאס איז נאך א משיחישער קולט. | ||
== | ==דרויסנדיגע לינקס== | ||
* [https://archive.org/details/nybc201618 גזרות ת"ח, יווא] | * [https://archive.org/details/nybc201618 גזרות ת"ח, יווא] | ||
* [https://archive.org/details/nybc210516 מיט פייער און שווערד] | * [https://archive.org/details/nybc210516 מיט פייער און שווערד] | ||
יעצטיגע רעוויזיע זינט 09:30, 8 יולי 2024
גזירת תּ"ח ותּ"ט זענען געווען יאָרן, וואס ביטערע פאגראמען זענען פאָרגעקומען, קעגן יידן אין פוילן, און אוקראַינע (1648).
פּאָגראָמען
באָגדאַן כמעלניצקי, אַן קאזאקן-פירער, האָט אויפגעשטעלט אַן אַרמיי וואָס איז באַשטאַנען פון קאזאַקן, טאָטארן און רוטענישע[1] קנעכט. צוזאַמען האָבן זיי רעוואָלטירט קעגן די פּויליש-ליטווישע הויך-אדעל און קעניג. זייענדיג איבערצייגט אז אידן זענען קעגן זיי, האָבן זיי אַטאַקירט אידן, געמאָרדעט, געפּלינדערט, פארגוואלדיקט, און אַנדערע שוידערליכע טאטן קעגן אידן.
דער חורבן
עטליך 20,000 אידן אודר ווייניקער זענען אומגעקומען.[2] עס איז באוואוסט אויף רבי שמשון אסטראפאלער, א גרויסער מקובל, וואס האט פארשפרייט דער אורזאך צום אומגליק, טויזנטער אידן זענען געווארן היימלאז, אידן האבן געוואנדערט ביז אזש קיין קאנסטאנטינאפאל, אין טערקיי, אדער קיין אמסטערדאם. אין די פאלגנדע יארן וואר פוילן-ליטע אויך פון רוסלאנד, זיבנבערגן און הויפסטנס שוועדן אנגעגריפן. שלום איז נישט געקומען ביז 1667. היסטאריקער דוב וויינריב שאצט איין אז אין די קריגן קעגן די קאזאקן און אנדערען זענען אין גאנץ פוילן-ליטע 40,000-50,000 אידן אומגעקומען.[3]
עס איז באוואוסט די געשיכטע פון דעם ש"ך מיט זיין טאכטער, ווי זי איז פארלוירן געווארן, און נאך יארן האבן זיי זיך באגעגנט, דער ט"ז ווי ער האט געראטעוועט זיין שטאט, וואו ער איז געווען רב. און די ספעציעלע תפילה פארפאסט דורכן תוספות יום טוב, פאר אידן וואס שמועסן נישט ביים דאווענען.
די פוילישע אפענסיווע
א צוזאמגעשטעלטע ארמיי פון די פוילישע גראפן, האבן אנגעפאנגען צו אטאקירן די רעוואלטירער, און צום ענדע, האבן זיי פולשטענדיק באזיגט די אוקראינער אויפשטענדלער, צוריק איינעמענדיק די געגנטער און שטעט, וואס די קאזאקן האבן איינגענומען.
די נאכווייען
ביי די אידישע באפעלקערונג, איז באגדאן כאמילעצקי א מאסן מערדער, וואס האט אומגעברענגט הונדערטער טויזנטער אידן. ביים אוקראינער פאלק, איז ער א נאציאנאלער גיבור, וואס זיינע סטאטוען, זענען פארשפרייט איבער די שטעט פון אוקראינע.
שבתי צבי און יעקב פראנק, זענען ארויף געקומען אויף דער יידישער מאפע, און אידן האבן אנגעפאנגען גלייבן, אז דא וועט קומען די ישועה, דאס איז אויך געווען דער פחד פון די רבנישע וועלט אויף חסידים, האלטנדיג אז דאס איז נאך א משיחישער קולט.
דרויסנדיגע לינקס
רעפערענצן
- ↑ דעמאלסט איז נאך נישט געווען קיין 'אוקראינישע' פאלק, און אלע עסטליכע סלאוון זענען געווען באקאנט אלס 'רוטענען'.
- ↑ שאול שטמפפר. ?What Actually Happened to the Jews of Ukraine in 1648. ג'ואיש היסטורי, מאי 2003.
- ↑ Weinryb, Bernard Dov. The Jews of Poland: A Social and Economic History of the Jewish Community in Poland from 1100 to 1800. Jewish Publication Society (1973). ISBN 9780827600164. זייטן 195-197.
דאס איז נישט קיין המכלול ארטיקל, בלויז עפעס וואס ליגט דא ביז עס וועט ערזעצט ווערן מיט בעסערס. שרייבט עס איבער!