אונטערשייד צווישן ווערסיעס פון "רוי:מאה שערים"

די קווארטל באשטייט היינט פון א אבסולוטער מערהייט פון [[חרדים|פרומע]] וואס געהערן צו פארשידענע קרייזן, בעיקר [[חסידות|חסידים]] און [[ליטווישע]], און רעכנט אריין צענדליגע [[ישיבה|ישיבות]], [[שול|שולן]] און [[כוללים]]. ריכטיג צו 2016, וואוינען אין איר ארום 9,400 מענטשן.{{הערה|{{לינק|כתובת=https://www.jerusalem.muni.il/he/residents/community-in-jerusalem/neighborhoods/meashearimneighborhood/|כותרת=שכונת מאה שערים|אתר=האתר הרשמי של עיריית ירושלים|תאריך_וידוא=2016-10-29}}}}

צוזאמען מיט אן אנוועזנהייט פון חסידותן וואס זענען פארבונדן צו [[אגודת ישראל]], ווי [[קארלין]] און [[סלונים]], איז די געגנט אויך א צענטער פאר קהילות וואס געהערן צו די [[עדה החרדית]]: [[תולדות אהרן]], [[תולדות אברהם יצחק]], [[סאטמאר (חסידות)|סאטמאר]] און נאך, און אויך [[נטורי קרתא]]. די גרופעס זענען באקאנט מיט זייער [[אנטי ציוניזם|שטארקער קעגנערשאפט]] צו [[מדינת ישראל]] און צו [[ציונות]]. זיי האבן אויסגעקליבן א לעבנס שטייגער פון אפגעזונדרטקייט און צושיידונג, ווי א "[[געטא]]" פון אייגענעם ווילן. די מענטשן פון העדה החרדית ארגאניזירן צומאל פראטעסטן אקעגן די "שלטון הציוני" וועגן פארשידענע טעמעס ווי גראבן אלטע קברים דורך [[ארכעאלאגיע|ארכעאלאגן]], גיוס בני ישיבות צו [[צה"ל]] און [[מאבקי השבת בירושלים|שמירת השבת אין שטאט]].

די אייגנארטיגע כאראקטער פונעם קווארטל ברענגט גרופעס פון טוריסטן וואס קומען זיך באיינפלוסן פון איר אדער איינקויפן ספרים, תשמישי קדושה און ידאיקא אין געשעפטן אויף איר הויפט גאס. די וויזיטן שאפן צומאל רייבערייען צווישן די באזוכער און א טייל פון די איינוואוינער, וואס שטעלן זיך אקעגן איינטריט פון ווייבער מיט נישט א [[צניעות]]דיגע קליידונג. אום שבת און יום טוב איז די קווארטל צוגעשפארט פאר [[טראנספארטאציע מיטלען]]. די [[אגד]] קאמפעני פארט נישט אריין אין געגנט צוליב פראטעסטן פון אַן עקסטרעמע מינאָריטעט וואס טענה'עט אז די קאמפעני איז מחחל שבת.