רוי:אויטאמאביל באלייכטונג

דער אַרטיקל איז א יתום, קיין אַרטיקל לינקט צו עס. איר זענט געלאדנט צו ביישטייערן צו המכלול און פארבינדן צו עס פון ארטיקלען וואס אנטהאלטן "אויטאמאביל באלייכטונג".

 

פראָנט, הינטער, ווענדונג און אינדיקאַציע ליכטן

די באלייכטונג סיסטעם פון א מאטאר פארמיטל שליסט איין ליכט און סיגנאַלירן געצייג מאָנטירט אין דער פראָנט, הינטער, זייטן און א מאל אויפ'ן דאַך פון א מאטאר פארמיטל. זיי באלייכטן דער טראַקט פאר דעם שאָפער און מאכן דעם פארמיטל מער קענטיג, בפרט אין טונקלע אדער סמוטנע קאנדיציעס. דאָס ווארענט אנדערע שאָפערס און פוסגייער פון א פארמיטל'ס בייזייאיקייט און פאָר-ריכטונג. עמערגענץ פארמיטלען האבן געווענליך באזונדערע עקסטרע לעמפּלעך צו ווארענען שאָפערס און פוסגייער ביי זייערע געשווינדע רייזעס אין נויטפאלן.

היסטאריע

פארמיטלען האבן געהאט ליכטן פאר איבער א הונדערט יאר. דראשקעס האבן גענוצט ליכטלעך, און די ערשטע אויטאס (דעמאלט גערופן "דראשקעס אָן פערד") זענען באלויכטן געווארן מיט גאַז לאָמפן. אין 1908 האט מען אנגעהויבן ניצן עלעקטרישע באלייכטונג אויף מאטאר פארמיטלען. רויטע הינטערלאָמפן און געלע ברעמזונג לעמפּלעך זענען ערשט באנוצט געווארן אין 1915. באַדעקטע שטראָל פראָנטלאָמפּן זענען באנוצט געווארן זייט 1936 און ווענדונג לעמפּלעך זייט 1940. איידער 1939 איז נישט געווען א סטאנדארט פאר פראָנטלאָמפּ אויספארמירונג. צווישן 1940 און 1956 האבן אלע פארמיטלען געבויט אין די פאראייניגטע שטאטן געברויכן האבן 7 אינטש רונדע פראָנטלאָמפּן מיט באַדעקטע שטראָלן. פון 1956 ביז היינט קען מען מאָנטירן פיר פראָנטלאָמפּן אויף איין פארמיטל (צוויי לאָמפּן אין יעדע זייט). אין 1960 זענען די ערשטע האַלאָגענע לאָמפּן גענוצט געווארן אויף אייראפעאישע פארמיטלען, און מען האט זיי אימפארטירט צו די פאראייניגטע שטאטן אין 1979. מען האט אנגעהויבן ניצן פארבייטליכע אויטא לעמפּלעך אין די פאראייניגטע שטאטן זייט 1983.

ליכטן

• פראָנטלאָמפּן באלייכטן דער רוים אַקעגן דעם פארמיטל. זיי ווערן אויסגעפורעמט צו ערלויבן דעם שאָפער צו זען ווייט ווי מעגלעך אָן בלענדזען שאָפערס וואס פאָרן אין די אנדערע ריכטונג.
• הינטערלאָמפּן זענען (נאר) רויט און לייכטן זיך ווען די פראָנטלאָמפּן ארבעטן. מאדערנע פארמיטלען דאַרפן האבן צוויי הינטערלאָמפּן. מערסטע הינטערלאָמפּן האבן אויך אָפּהאַלט לעמפּלעך וואס ווארענען אנדערע שאָפערס אז דעם פארמיטל פאַרלאַנגזאַמט אדער האַלט זיך. אויך שליסן זיי די הינטערע אינדיקאַציע ליכטן און אפט די ווענדונג סיגנאַלן.
• דריטע ברעמזונג לעמפּל - זייט 1986 (פאראייניגטע שטאטן און קאנאדע), 1990 (אויסטראליע און ניו זילאנד) און 1998 (רוב אייראפע) דאַרף א דריטע ברעמזונג לעמפּל ווערן מאָנטירט העכער די צוויי רעגולערע ברעמזונג לעמפּלעך.
• נעפּל לעמפּלעך זענען אפציאנאל אויף א סאך פארמיטלען. רעגולערע פראָנטלאָמפּן שפיגלען אָפּ ליכט און קענען בלענדזען ווען דעם פארמיטל ארבעט אין נעפּל. נעפּל לעמפּלעך ווענדן זיך נידער צו העלפן דעם שאָפער זען דער טראקט מער קלאָר. זיי פארשפרייטן אויך דאס ליכט ברייטער צוזאמען מיט די פראָנטלאָמפּן אין נעפּל, רעגן, שניי אדער שטויב.
• ווייטע ליכטן זענען הילף לעמפּלעך וואס פארברייטערן דאס ליכט פון די פראָנטלאָמפּן. זיי שטראָלן אויס אן ענגער שטראָל גאָר ווייטער ווי פראָנטלאָמפּן קענען געווענליך.

דער בלאט קומט פון יידיש-וויקיפעדיע.
אריגינעלער בלאט • ערלויבעניש cc-by-sa 3.0.

דאס איז נישט קיין המכלול ארטיקל, בלויז עפעס וואס ליגט דא ביז עס וועט ערזעצט ווערן מיט בעסערס. שרייבט עס איבער!