רוי:אלישע ראדין

דער אַרטיקל איז א יתום, קיין אַרטיקל לינקט צו עס. איר זענט געלאדנט צו ביישטייערן צו המכלול און פארבינדן צו עס פון ארטיקלען וואס אנטהאלטן "אלישע ראדין".

 

אלישע ראָדין (1888 – 1946) איז געווען אַ ייִדישער און אַ העברעאישער דיכטער.

ביִאָגראַפיע

ראָדין איז געבוירן געווארן אברהם אליהו ראָדין אינעם שטעטל אַמסטיסלאַוו, מאָהילעווער גובערניע, רוסלענדישע אימפּעריע (יעצט – אין באַשטאַנד פון ווייסרוסלאַנד). ער האָט געביטן זיין נאָמען אויף אלישע.

אלישע ראָדין האָט אָנטיילגענונמען אין דער ערשטער רוסישער רעוואָלוציע פון 1905 – 1907. שוין דעמלט האָט ער געשריבן לידער, תחילת – נאָר אויף ייִדיש. אין דער צווייטער העלפט פון די 1920ער יאָרן האָט ער צוליב רדיפות פון די העברעאישע שרייבער און פאַרבאָט אויף דער העברעאישער קולטור אינעם ראַטנפאַרבאַנד אויפגעהערט צו שרייבן ייִדיש און אָנגעהויבן שרייבן לידער אין העברעאיש.

אלישע ראָדין איז אָריבערגעפאָרן קיין מאָסקווע. דאָרט האָט ער אָנטיילגענומען אין דער אָרבעט פון אַן אונטערערדישן סעמינאַר אויף צוצוגרייטן לערער פון העברעאיש. ער האָט זיך איבערגעשריבן מיט חיים נחמן ביאַליק, וועלכער האָט פאַרלאָזט דעם ראַטנפאַרבאַנד אין 1921. זינט 1929 האָט אלישע ראָדין געשיקט זיינע העברעאישע לידער און פאַרצייכענונגען אין תל-אָביבער צייטונגען און זשורנאַלן ("דבר", "הארץ", "גיליונות" און אַנדערע). צוליב דעם, האָט מען אלישע ראָדינען אויסגעשלאָסן פונעם פאַרבאַנד פון סאָוועטישע שרייבער. ער איז געווען אונטער השגחה פון נ.ק.וו.ד. ביזן סוף פון זיין לעבן.

בעת דער מלחמה האָט אלישע ראָדין איבערגעזעצט פון אידיש אין העברעאיש דאָקומענטן פונעם ייִדישן אַנטי-פאַשיסטישן קאָמיטעט. זיין בן-יחיד גריגאָרי איז אומגעקומען אויפן פראָנט אין 1942. דאָס האָט פאַרקיצט דעם דיכטערס יאָרן און ער איז געשטאָרבן אין מאָסקווע אין 1946.

זיינע ביכער

• לידער און פּאָעמען, כאַרקאָוו, 1918
• העראָיק, האָמעל, 1921
• פון צוויי קוואַלן, פּעטראָגראַד, 1924
• בפאת נכר, תל-אָביב, 1938
• לבן: מצבה לבני גרישה רודין, תל אביב, 1943
• אלישע רודין, שירים והגיונות, חיים לנסקי, שירים רשימות ומכתבים, ירושלים, 1954

דרויסנדע לינקס

• רשימה פון אלישע ראָדינס פּובליקאַציעס אין דער נאַציאָנאַלער ביבליאָטעק פון מדינת ישראל
• אברהם סוצקעווער, פגישות עם אלישע רודין (העברעיש)

דער בלאט קומט פון יידיש-וויקיפעדיע.
אריגינעלער בלאט • ערלויבעניש cc-by-sa 3.0.

דאס איז נישט קיין המכלול ארטיקל, בלויז עפעס וואס ליגט דא ביז עס וועט ערזעצט ווערן מיט בעסערס. שרייבט עס איבער!