אונטערשייד צווישן ווערסיעס פון "רוי:רבי מנחם מענדל הורוויץ (לינסק) (א)"

נאך דער פטירה פון זיין פאטער אין יאר [[ה'תקצ"א]] איז געווען פון די שטאט'ס לייט אין לינסק אזעלכע וואס האבן נישט געוואלט אויפנעמען '''רבי מענדל''' אלס רב אויף זיין פאטער'ס ארט, ביז דער רבי ר' [[צבי הירש פון רימאנאוו|הערש פון רימאנאוו]] איז געקומען קיין לינסק און האט באפוילן זיין [[משמש]] זאל אויסרופן אז אלע שטאט'ס לייט זאלן קומען צו אים אונטערשרייבן דעם קאנסוס אויף צונעמען '''רבי מענדל''' אלס רב. די שטאט'ס לייט זענען זאפארט געקומען, אויסער איין גביר וואס האט זיך געוואגט צו ווידערשפעניגן דעם רבי ר' הערש און געזאגט פאר דעם משמש אז פאר קיין פרייז וועט ער נישט אונטערשרייבן. נאך דעם וואס ער האט צוויי מאהל אנטזאגט דעם משמש, האט דער רבי ר' הערש אים געשיקט זאגן '''''אויב ער וועט נישט אונטערשרייבן, וועט מען נישט דארפן זיין אונטערשריפט''''', דער פארשוין האט זיך פארט נישט גערירט.