רוי:פשעווארסק (חסידות)

פשעווארסק, וועסט גאליציע, איז א באקאנטע שטאָט אין די חסידישע קרייזן, אויף זיין נאמען איז דער הויף וואס רבי משה יצחק געווירצמאן האט אויפגעשטעלט. דער הויף געפינט זיך אין אנטווערפן, און אחוץ אנטווערפן וואוינען רוב פשעווארסקער חסידים אין לאנדאן און אין מאנטשעסטער, ענגלאנד און אין מאנסי, ניו יארק.

דעם פשעווארסקער רבי'נס בית מדרש, בית יצחק, איז אויף מערקאטאר גאס, אנטווערפן.

צו ראש השנה און שבתים פון נסיעות קומט צו פארן הונדערטער אידן, אנדערע חסידים אויך, נישט נאר פשעווארסקער, דאווענען מיטן רבי'ן, און מען דינגט א גרויסן זאל כדי עס זאל זיין גענוג פלאץ פארן גאנצן עולם.

דער ערשטער רבי איז געווען הר"ר משה יצחק געווירצמאן, א זון פון נפתלי אלימלך, וואס איז געווען א זון פון ר' אברהם גארליצער. ר' אברהם איז געווען דעם נועם אלימלך'ס אן אייניקל.

לאקאציע פון שטעטל פשעווארסק אין פוילן

נאך דער חתונה האט זיך רבי משה יצחק באזעצט אין פשעווארסק, גאליציע, דעריבער הייסט ער פשעווארסקער רבי. נאכן חורבן פון אייראפע איז ער אריבערגעצויגן קיין פאריז. אין יאר תשט"ז האט ער אויפגעשטעלט זיין הויף אין אנטווערפן. ער איז געווען דער נשיא פונ'ם גאליציאנער כולל חיבת ירושלים. אסאך פלעגן רופן עם "ר' איציקל". זיינע זון זענען נעבעך אומגעקומען אין די קריג יארן.

נאך זיין פטירה יום כיפור ה'תשל"ז האבן די חסידים, ובראשם הר"ר רבי אלחנן היילפרין פון לאנדאן, מכתיר געווען זיין איידעם הר"ר יעקב לייזער אלס רבי.

נאך דער פטירה פון רבי יעקב כ"ז חשון ה'תשנ"ט האט ממלא מקום געווען זיין זון רבי לייבוש לייזער.

פשעווארסקער רבי'ס

• דער ערשטער רבי: הרה"צ משה יצחק געווירצמאן (י"ב טבת ה'תרמ"ב - י' תשרי ה'תשל"ז), א תלמיד פון רבי שמחה ישכר בער האלבערשטאם פון ציעשינאוו
• דער צווייטער רבי: הרה"צ יעקב לייזער (ה'תרס"ז - כ"ז מרחשון ה'תשנ"ט), ר' משה יצחק'ס אן איידעם און א תלמיד פון רבי חנה האלבערשטאם פון קאלאשיץ
• דער דריטער רבי: הרה"צ לייבוש לייזער שליט"א, ר' יעקב'ס זון, האט חתונה געהאט מיט מרת מלכה מינדל חנה, די טאכטער פון ר' אלטער יעקב יצחק וואגשאל, דער לאנצהוטער רבי. נאך איר פריצייטיגער פטירה האט ער חתונה געהאט בזיווג שני מיט מרת חנה שלאמצע, די טאכטער פון זיין שוואגער ר' יהושע מרדכי אלעזר וואגשאל דער לאנצהוטער רבי.

י"ח אדר תש"ע איז נפטר געווארן די טאכטער פון לייבוש און מרת חנה שלאמצא, מרת שרה בריוו (געב' תשמ"ה), צוויי וואכן נאך ווען זי איז שטארק פארוואונדעט געווארן אין א פארקער צוזאמענשטויס. איר מאן איז ר' ישראל יצחק בריעף, זון פונעם לאנדאנער שוחט ר' משה מאיר בריעף.

די פשעווארסקער רבי'ס

• Pshverskitzikl.jpg

  רבי איציקל פשעווארסקער

• Pshvorskryankele2211200477005.jpg

  רבי יאנקעלע פשעווארסקער

• Pshverskshlita2202200567459.jpg

  היינטיקער רבי לייבוש פשעווארסקער

דרויסנדע לינקס

• בריוו קעגן ציוניזם געחתמ'עט פון צווייטן פשעווארסקער רבי'ן

דער בלאט קומט פון יידיש-וויקיפעדיע.
אריגינעלער בלאט • ערלויבעניש cc-by-sa 3.0.

דאס איז נישט קיין המכלול ארטיקל, בלויז עפעס וואס ליגט דא ביז עס וועט ערזעצט ווערן מיט בעסערס. שרייבט עס איבער!