אונטערשייד צווישן ווערסיעס פון "רוי:רבי יצחק ידידיה פרענקל"

אויך האט הרב פרענקל באקומען היתר הוראה פונעם גאון  הרב שלום שכנא טשערניאַק, [[מאטשעוו|מאטשעווער]] רב און מחבר פון "משמרת שלום". דאָס איז געווען ווען הרב שלום שכנא טשערניאַק איז אנגעקומען אין ווארשע אין אדר תר"צ (1930) און עטליכע בחורים אין יונגעלייט תלמידי חכמים, אריינגערעכנט צווישן זיי הרב פרענקל, האבן אים געבעטן געבן היתר הוראה.{{הערה|עדות הרב חיים פרנקל, רישום: דב טננבוים, 17.1.2017, אוסף טננבוים, תל אביב}} רבי יצחק ידידיה פרענקל האָט פארציילט אז כדי צו באקומען היתר הוראה פון הרב טשערניאק האט מען געדארפט באווייזן ברייטע און טיפע ידיעות אין א בחינה וואס האט געדויערט טעג.{{הערה|דוד ברוך לאו, ספר הזיכרון למרן הגר"י פרנקל זצ"ל, מכון ירושלים, תשנ"ב, עמ' קל–קלא}} אין וואַרשע האט הרב פרענקל אויך באגעגנט מיטן [[חפץ חיים]] וואס האט אים געבענטשט מיט [[ברכת כהנים]].  

אין יאר תרצ"ב ([[1932]]) ווען ער איז געווען אַלט 18 יאָר האט ער חתונה געהאט מיט רביצין חנה לאה, טאכטער פון רבי חיים אלעזר בראַנד, א סקערנעוויצער חסיד, אין דעם דארף קערנעזשע, פוילן, (ער און זיין פרוי זעלדא רחל פיטעל פון גאמבין מיט זייער גאנצע משפּחה זענען אומגעקומען ביי דער דייטשע באמבארדירונג אויף קערנעזשע אין ג' תשרי ת"ש. נאָך זיין חתונה האָט ער געוואוינט אין קערנעזשע און געעפנט דארט א ישיבה פאר יונגע בחורים. דערנאָך איז ער באשטימט געוואָרן צו דינען ווי א מורה הוראה אין דער חרדישער געמיינדע אין דער שטאָט ריפּין אין פוילן, נאָענט צום דייטשן גרעניץ.