אונטערשייד צווישן ווערסיעס פון "ספר יוסיפון"

אין די פארשפרייטע ווערסיע, איז דער חיבור צוטיילט אין זעקס ביכער און 97 קאפיטלען.

*"ספר ראשון" דעקט אין קורצן די געבורט און אנטוויקלונג פון די [[זיבעציג פעלקער]], די היסטאריע פון [[רוים]], [[גלות בבל]] און גלות [[פרס ומדי]]. עס דעקט אויך אומבאקאנטע געשיכטעס פון [[דניאל]] און [[זרובבל]];

*"ספר שני" דעקט די צייטן פון [[אלכסנדר מוקדון]] און זיינע נאכפאלגער;

*"ספר שלישי" דעקט די תקופה פון אנהייב [[בית שני]] ביז די צייט פון די [[חשמונאים]];

*"ספר רביעי" דעקט די [[קעניגרייך פון די חשמונאים]];

*"ספר חמישי" דעקט די ברידער קריג צווישן די חשמונאים, און די קעניגרייך פון [[הורדוס]];

*"ספר שישי" דעקט די געשיכטע פונעם [[חורבן בית המקדש]].

דער ספר איז באזירט מערסטענס אויף די ווערק פון [[יוסף בן מתתיהו]] אין [[גריכיש]], און דער מחבר האט לכאורה גענוצט א לטיינישע איבערזעצונג, און די ווערק פון [[העגעסיפוס]]{{הערה|שם=אידענ}}{{הערה|[[#פלוסר|פלוסר]], זייט 23 און 31}}. דער מחבר האט זיך אבער אויך באזירט אויף אנדערע קוועלער, ווי [[תנ"ך]], [[מדרשי חז"ל]], [[ספרים החיצונים]]{{הערה|[[#פלוסר|פלוסר]], זייט 24 און 32; {{אוצר החכמה|א. א. נוימן|ספר אסף|158444|ירושלים, תשי"ג, זייטן 391-403|כותרת=יוסיפון והספרים החיצונים|page=421}}.}} און אלגעמיינע [[היסטאריע ביכער]]{{הערה|[[#פלוסר|פלוסר]], זייט 7 און 24; [[#כהנא|כהנא]], זייטן 141-142.}}. די שילדערונג פון א קרוינונג פון א רוימישן קייזער וואס יוסיפון דעטאלירט אין קאפיטל עו, איז לויט טייל אן ערשטהאנטיגע באריכט פון דער קרוינונג פון [[אטא דער ערשטער]] ([[912]]-[[973]]){{הערה|[[#פלוסר|פלוסר]], זייט 15; [[#כהנא|כהנא]], זייטן 141-142; [[#אידענ|אידישע ענציקלאפעדיע]]}}.

דער ספר איז געשריבן אין א לויטערן מקרא'ישן לשון קודש, אריבערגייענדיג צו פאעזיעשע פראזעס ביי הויכפונקטן. דער ספר האט אויך אייגנארטיגע אומבאקאנטע ווערטער, [[שורשים]] און [[מארפאלאגיעס]]{{הערה|[[#ענציק|אידישע ענציקלאפעדיע]]; [[#ווערט|ווערטהיימער]], זייטן 22-23; [[#כהנא|כהנא]], זייטן 141}}.