רוי:רבי חיים האלבערשטאם (טשחויוו)

רבי חיים האלבערשטאם זצ"ל (ה'תרמ"ב – ה'תשט"ז), דער טשחויווער רב.

אפשטאם

רבי חיים'ל איז געבוירן אין יאר ה'תרמ"ב, צו זיין פאטער הרב יצחק ישעיה האלבערשטאם, רב אין טשחויוו, א זון פון הרב חיים האלבערשטאם, דער דברי חיים. און צו זיין מוטער מרת פריידא א טאכטער פון הרב יחיאל העשיל פון קריליוויטש, (אן איידעם פון מיטעלער בעלזער רב הרב יהושע רוקח), א זון פון הרב יצחק מאיר פון זינקוב, א זון פון אפטער רב, הרב אברהם יהושע העשיל, דער אוהב ישראל.

רבנות

רבי חיים'ל איז אויפגעצויגן געווארן ביי זיין זיידן דער מיטעלער בעלזער רב הרב יהושע רוקח, דארט האט ער געלערנט צוזאמן מיט הרב אהרן רוקח שפעטער דער בעלזער רב.

אין יאר ה'תרפ"ג האט רבי חיים'ל זיך באזעצט אין אמעריקא און אנגעפירט דארט דעם טשחויווער רביסטעווע. ער איז געווען א טעטיגער מיטארבייטער פון אגודת האדמורי"ם.

הסתלקות

רבי חיים'ל איז נפטר געווארן ה'תשט"ז.

פאמיליע

רבי חיים'ל האט געהייראט אין יאר ה'תרנ"ט, מרת מירל א טאכטער פון הרב מנשה מארילעס רב פון דובעצק און ראפשיץ. זייערע קינדער:

• הרב דוד יהושע האלבערשטאם הי"ד (ה'תר"ס - ה'תש"ג), רב אין סאסנאוויץ, ער האט געהייראט מרת פיגל יוכבד א טאכטער פון הרב יצחק רובין. זייערע קינדער:

• אשר האלבערשטאם הי"ד.
• יחיאל האלבערשטאם הי"ד.
• שפרה חנה העניע האלבערשטאם הי"ד.
• הרב מנחם מענדל האלבערשטאם ער איז געבוירן אין יאר ה'תרפ"ו, אין יאר ה'תש"י האט ער געהייראט מרת מינדל א טאכטער פון הרב צבי אלימלך שפירא רב אין בערטש.

• הרב שמעון האלבערשטאם, פון ראפשיץ, ער האט געהייראט מרת חנה אסנת א טאכטער פון הרב שלום רוקח פון קארוב. זיי זענען אומגעקומן אויף קידוש השם צוזאמען מיט זייערע קינדער, הי"ד.

רעפערענצן

• י"ג אורות - סיפורים דערציילט דורך רבי יענקלי לייזער דער פשעווארסקער רבי - ארויס געגעבן דורך זיין אייניקל הרב יוסף נפתלי וואגשאהל, ה'תשנ"ד
• אנציקלופדיה לחכמי גליציה, מאיר וונדר