רוי:יהורם גאון

דער אַרטיקל איז א יתום, קיין אַרטיקל לינקט צו עס. איר זענט געלאדנט צו ביישטייערן צו המכלול און פארבינדן צו עס פון ארטיקלען וואס אנטהאלטן "יהורם גאון".

 

יהורם גאון
יהורם גאון אַלס יונתן נתניהו אינעם פילם "מבצע יונתן"
געבורט דאטום	28סטן דעצעמבער 1939
געבורט ארט	ירושלים, מאנדאטארישע פאלעסטינע
טעטיקייט יארן	1957 - היינט
זשאנער	פאפ, ישראלישע מוזיק
פלאטע פירמע	הד ארצי

יהוֹרָם גָאוֹן (געבוירן דעם 28סטן דעצעמבער 1939) איז אַן מדינת ישראל'דיגער זינגער, אַקטיאָר, רעזשיסאָר, פּראָדוצירער, טעלעוויזיע און ראַדיאָ האָסט און פּובליקע פיגור. אויך האט ער געשריבן און רעדאַקטירט ביכער וועגן ישראלישע קולטור.

דער זון פון ספרדישע עלטערן — עמיגראַנטן פון באָסניע און טערקיי — ער איז געווארן אַן ערשטיקע אינספּיראַציע פון "שטאָלץ און סאָלידאַריטעט" פאר די ספרדישע קהילה.

ערשטע לעבן

גאון איז געבוירן געווארן אין דעם בית הכרם געגנט פון ירושלים אין 1939. זיין פאָטער, משה דוד גאון , אַ באַקאַנטער היסטאָריקער, איז געבוירן געווארן אין סאַראַיעוואָ אין 1889 און האט עמיגרירט צו פּאַלעסטינע פונעם בריטישער מאַנדאַט, וואו זיינע קרובים האבן געוואוינט פאַר 5 דורות. ער איז געווען אַ שולמייסטער און העברעאיש לערער אין ירושלים, בוענאָס איירעס און איזמיר. ער איז אויך געווען אַ דיכטער און אַ חכם פון לאַדינאָ. אין טערקיי האט ער געטרעפט און חתונה געהאט מיט שרה חאַקים, מיט וועלכע ער האט צוריקגעקומען קיין ירושלים.

גאון האט געדינט אין צה"ל אין 1957. אין דעם מיליטער האט ער מיטגעגאַנגען דער נח"ל פאַרוויילונג טרופּע און אָנגעהויבט אַ קאַריערע אין די בינע קונסטן.

מוזיק און שפילן קאַריערע

נאָך זיין באַטייליגונג אין דער נח"ל בריגאַדע פאַרוויילונג טרופּע אין זיין מיליטער דינסט האט גאון מיטגעגאַנגען די ירקון בריק דריילינג .

ער איז געווען אינעם אָריגינעלער צונויפשטעל פון "התרנגולים", וואס איז געגרינדעט געווארן דורך נעמי פולני אין 1960.

ער איז געווארן זייער באַקאַנט פאַר זיין ווערסיע פון נעמי שמר'ס ליד "עוד לא אהבתי די". ער האט געזונגען ביי דער נאָבעל פּריז פייערונג פון יצחק ראַבין, שמעון פּרס און יאַסיר אַראַפאַט ביי אָסלאָ אין 1994.

גאון האט אויפגעטראָטן מיט דער ישראלישער קאַמערי טעאַטער אין פּראָדוקציעס ווי "צ'יפּס עם כל דבר", "וויצק" און "כנרת כנרת", פון נתן אַלטערמאַן. ער האט אָפּגעלאָזט ישראל אין די פריסטע 1960ער יאָרן צו לערנען זיך שפּילן ביים באַקאַנטער הערבערט בערגהאָף סטודיאָ אין ניו יאָרק, געקנעלט דורך דער באַרימטע לערערין אוטאַ האַגען, און האט שפּעטער גראַדואירט מיט האָנאָרס פונעם RCA אינסטיטוט פאַר טעלעוויזיע פּראָדוקציעס.

ער האט צוריקגעקומען אי ישראל צו שפּילן אַלס דער הויפּט כאַראַקטער אין די 1966 בינע פּראָדוקציע פונעם ישראלישע מוזיק-קאָמעדיע "קאַזאַבלאַן" וואס איז שנעל געווארן אַ שלאַגער און איז געשטעלט געווען העכער 600 מאָל. די גרויסע הצלחה פון די פאָרשטעלונג האט געמאַכט גאון "נישט נאָר אַן איבערנאַכט געזאַנג שטערן, אָבער אויך אַ פיגור פון סאָלידאַריטעט און פרייד פאַר ספרדישע מענטשן, אַ סך וועלכע האבן ערשטנס געגאָנגען צו אַ טעאַטער." שפּעטער האט גאון געשפּילט זיין ראָלע אין די 1974 פילם אַדאַפּטאַציע.

אין 1977 איז ער דערוויילט געווארן צו שפּילן אלס יונתן נתניהו אינעם ישראלישער פילם "מבצע יונתן", וועגן די ענטעבע אפעראציע. אויך האט ער אויפגעטראָטן אין "כל ממזר מלך", "הפּריצה הגדולה", "ג'וקר", "המאַהב" און "כביש ללא מוצא". ער האט אויפגעטראָטן אינעם אויטאָביאָגראַפישער פילם "אַני ירושלמי" פון 1971.

ער האט אויפגעטראָטן אין אַ סך אַנדערע טעלעוויזיע סעריעס ווי "קרובים קרובים" (1983), אַן ישראלישע סיטקאָם. ער האט געשטעלט זיין אייגן פּראָגראַם מיטן נאָמען "שישי בגאון" אויפן ערשטער קאַנאַל. דער פּראָגראַם איז געווארן זייער פּאָפּולער און איז פּראָדוצירט געווארן פאַר אַ סאַך יאָר. שפּעטער האט ער געשטעלט אַ סוף־וואָך שמועס פּראָגראַם אויף דער קאָמערציעלער קאַנאַל 2. זינט 1997 האט ער געשטעלט אַ ראַדיאָ פּראָגראַם אויף קול ישראל מיטן נאָמען "גאון אין דעם ראדיא", אין וועלכער ער רעדט וועגן די יעצטיקע וואָכיגע געשעענישן און דריקט אויס זיינע פּערזענליכע בליקן וועגן זיי.

דעם 21סטן סעפּטעמעבר 2014 האָט גאון רעקאָרדירט דאָס ליד "שלומי" פאַרפאַסט פון דער דיכטערין זעלדע.

פּערזענליכע לעבן

גאון האט צוויי קינדער פון זיין פריערדיגער חתונה מיט אורנה גאָלדפאַרב: משה-דוד (געהייסן נאָך יהורמ'ס פאָטער) און הילה. זיינע דריי ברידער זענען יגאל, כלילה ערמון און דער געשעפטמאַן און אינדוסטריאַליסט בעני גאון, וואס איז נפטר געוואָרן פון קענסער אין 2008.

דרויסנדע לינקס

• אפיציעלע וועבזייטל

דער בלאט קומט פון יידיש-וויקיפעדיע.
אריגינעלער בלאט • ערלויבעניש cc-by-sa 3.0.

דאס איז נישט קיין המכלול ארטיקל, בלויז עפעס וואס ליגט דא ביז עס וועט ערזעצט ווערן מיט בעסערס. שרייבט עס איבער!