רוי:רבי אברהם יהושע העשל (מעזשיבוזש)

רבי אברהם יהושע העשל זצ"ל (ה'תקצ"ב - י"ט תשרי ה'תרמ"א), פון מעזשביזש.

אפשטאם

רבי העשי'ניו איז געבוירן אין יאר ה'תקצ"ב, צו זיין פאטער הרב משולם זוסיא העשל פון זשינקאוו, א זון פון הרב יצחק מאיר העשל, פון זשינקאוו, א זון פון הרב אברהם יהושע העשיל, רב אין אפטא, דער "אוהב ישראל". און תו זיין מוטער מרת סימא א טאכטער פון הרב ישראל, אן איידעם פון הרב משה צבי פון סאווראן.

רבנות

נאך זיין חתונה איז רבי העשי'ניו געבליבן וואוינען אין סאדיגורא אין געגעסן קעסט ביי זיין עלטער-שווער דעם רוזשינער, וועלכער האט אים זייער ליב געהאט. נאך די פטירה פון זיין שווער איז רבי העשי'ניו צוריק געפארן קיין זשינקאוו, אין יאר ה'תרכ"ד נאכדעם וואס זיין פאטער איז נפטר געווארן האט ער זיך געצויגן קיין מעזשיביזש אין זיין זיידן'ס הויז וועלכן ער האט אפגעקויפט.

הסתלקות

רבי העשי'ניו איז נפטר געווארן אין עלטער פון ניין און פערציג יאר אין י"ט תשרי ה'תרמ"א, און ליגט אין קאמינקא.

פאמיליע

ו' אדר ה'תר"ט האט רבי העשי'ניו געהייראט מרת לאה רחל ( - ז' תמוז ה'תרנ"ה), א טאכטער פון זיין שוועסטער-קינד הרב שלום יוסף פרידמאן פון סאדיגורא. זייערע קינדער:

• הרב ישראל שלום יוסף העשל (חשוון ה'תרי"ג - כ"ט מנחם אב ה'תרע"א), ממלא מקום פון פאטער, רבי אין מעזשביזש.

• הרב יצחק מאיר העשל (כ"א כסלו ה'תרכ"ב - א' תשרי ה'תרצ"ו), פון קאפיטשיניץ.

• הרב משולם זוסיא העשל (ה'תרל"א - י' אדר ה'תר"פ), פון מעזשביזש.

• הרב משה מרדכי העשל (ה'תרל"ז - כ"ז חשון ה'תרע"ז), פון נאוואמינסק און ווארשע.

• מרת גיטל ( - ), די ווייב פון הרב שלמה זלמינא צוקערמאן (ה'תקצ"ב - כ' חשון ה'תרפ"א), פון ראשקאוו.

• מרת חוה ( - ), די ווייב פון הרב משה האגער (ה'תרכ"ז - ט' אייר ה'תרפ"ו), פון שאץ.

• מרת דבורה ( - ), די ווייב פון הרב דוד פרידמאן (ה'תרכ"ד - ה' שבט ה'תרמ"ט), פון באהוש.

זעט אויך

• מעזשביזש (חסידות)
• רוזשין (חסידות)

רעפערענצן

• אנציקלופדיה לחכמי גליציה, מאיר וונדר
• נר ישראל ח"ו בערכו (2)

דער בלאט קומט פון יידיש-וויקיפעדיע.
אריגינעלער בלאט • ערלויבעניש cc-by-sa 3.0.

דאס איז נישט קיין המכלול ארטיקל, בלויז עפעס וואס ליגט דא ביז עס וועט ערזעצט ווערן מיט בעסערס. שרייבט עס איבער!