אונטערשייד צווישן ווערסיעס פון "רוי:דניאל"

דניאל איז געווען אן אפשטאמיגער פון [[מלכות בית דוד]], און האט געלעבט אין די צייטן פון [[חורבן בית ראשון]] און [[גלות בבל]]. ביים חורבן, זייענדיג נאך א קינד, האבן אים די [[בבל|בבליים]] געבראכט צום קעניגליכן פאלאץ אין בבל צוזאמען מיט זיינע חברים, [[חנניה מישאל ועזריה]], אלע קינדער פון מיניסטארן פון [[מלכות יהודה]], כדי צו נוצן זייער חכמה און פארשטאנד אין טכסיסי מלכות. דארט האט דניאל ארויסגעוויזן זיין קלוגשאפט און געטליכקייט דורך פותר זיין חלומות און אנטפלעקן הימלישע מראות, און ער איז געווארן דערהויבן אלס דער חשוב'סטער מיניסטער און מקורב למלכות.

[[יוסיפון]] שרייבט <ref>ספר יוסיפון פרק שלישי</ref> אז אין זיינע עלטערע יארן האט דניאל זיך אפגעזאגט פון זיין פאסטן אלס קעניגליכער ראטגעבער און געשטעלט [[זרובבל]] אלס שטעלפארטרעטער, און זייט דעמאלט האט ער געלעבט א שטילן און פשוט'ן לעבן אין דער שטאט [[שושן]]. עס איז דא א מיינונג אין [[חז"ל]], אז התך דער שליח פון [[אסתר המלכה]] אין דער [[מגילת אסתר|מגילה]], איז באמת געווען דניאל, נאר מען האט אים שפעטער גערופן התך ווייל מען האט אים אראפגענומען פון זיין גרויסקייט.