רוי:פארעוו

פאַרעוו (אדער פאַרווע) באדייט אן עסנווארג וואס איז נישט מילכיק און נישט פליישיק. אויך ווערט דאס ווארט פארעוו באניצט אויף א זאך וואס איז נייטראל, ספעציעל אויף איינעם וואס זיין מיינונג וועגן עפעס א זאך איז נישט אהין און נישט אהער.

מקור

לויט דער יידישער הלכה, טאר מען נישט מישן מילכיגס און פליישיגס, נאר יעדער איינער מוז מען קאכן און עסן באזונדער. ס'איז אבער פארהאנען א סך עסנווארגן וואס מען מעג עסן סיי מיט מילכיגס סיי מיט פליישיגס—אזעלכע עסנווארגן זענען פארעוו, למשל, ירקות, אייער, פיש און פרוכט.

אזוי ווי מען עסט ברויט צוזאמען מיט אלע עסנווארגן האבן חז"ל געהייסן באקן ברויט נאר פארעוו, נישט מילכיק און נישט פליישיק, אחוץ ווען מען באקט דאס ברויט אין א ספעציעלער פארעם.

פויליש פארווע

די אויסדריק פויליש פארווע פלעגט ווערן גענוצט ביי די עלטערע אידענעס אויף א זאך וואס איז נישט מילכיג און נישט פליישיג אבער אויך נישט ממש פארעוו. מוסטער:עסן-שטומף

דער בלאט קומט פון יידיש-וויקיפעדיע.
אריגינעלער בלאט • ערלויבעניש cc-by-sa 3.0.

דאס איז נישט קיין המכלול ארטיקל, בלויז עפעס וואס ליגט דא ביז עס וועט ערזעצט ווערן מיט בעסערס. שרייבט עס איבער!