אונטערשייד צווישן ווערסיעס פון "רוי:רבי עקיבא סופר"

עקיבא סופר איז געבוירן אין תרל"ח אין פרעשבורג, [[עסטרייך אונגארישע אימפעריע]] (היינט בראטיסלאווא, [[סלאוואקיי]]) צו זיין פאטער, רבי [[שמחה בונם סופר]], דער "שבט סופר", אב"ד פרעשבורג, א זון פונעם [[אברהם שמואל בנימין סופר|כתב סופר]], א זון פונעם [[משה סופר|חתם סופר]].

אין תרס"ג איז דער שבט סופר געווארן קראנק, און האט באשטימט זיין זון רבי עקיבא ראש ישיבה אין פרעשבורג. אין תרס"ז, נאך זיין פאטערס פטירה, איז רבי עקיבא געווארן אב"ד פון פרעשבורג. ער האט געהאלטן א קשר מיט די גרויסע פוסקים פון זיין צייט, דער [[אברהם בארנשטיין|אבני נזר]] פון [[סאכאטשאוו]], דער [[בית יצחק]] און דער [[שלום מרדכי הכהן שוואדראן|מהרש"ם]]  פון [[ברעזשאן]]. ער איז געבליבן אין פרעשבורג ביזן אנהייב פון דער [[צווייטער וועלט מלחמה]] אין אלול תרצ"ט. דעמאלסט איז ער געפארן קיין [[ערלוי]] אויף א באזוך צו זיין פעטער רבי [[שמעון סופר אבד"ק ערלוי|שמעון סופר]]. ווען ער איז געווען אין ערלוי האט ער געהערט אז דער אנטיסעמיט [[יאזעף טיסא]] איז געווארן פרעזידענט פון [[סלאוואקיי]], און ער געבעטן אן עצה ביי זיין פעטער צי ער זאל צוריקפארן קיין פרעשבורג. זיין פעטער האט געענטפערט אז דער חתם סופר, דער כתב סופר און דער שבט סופר האבן אלע געדינט אינעם פרעשבורגער רבנות 33 יאר. און אזוי ווי רבי עקיבא האט אויך שוין געווען רב אין פרעשבורג 33 יאר זאל ער נישט צוריקגיין. נאר ער זאל זיך באזעצן אין [[ארץ ישראל]], און אינצווישנצייט זאל פארברענגען ביי זיינע זין אין דער [[שווייץ]] ביז [[שושן פורים]].<ref name="המודיע"/>