אונטערשייד צווישן ווערסיעס פון "רבי יצחק אייזיק סאפרין"
ק (←אריינפיר: הגהה) |
ק (←אריינפיר: אינערליכע פארבינדונגען) |
||
| שורה 8: | שורה 8: | ||
| התחלת פעילות = [[כ"א אב]] [[ה'תקע"ח]] | | התחלת פעילות = [[כ"א אב]] [[ה'תקע"ח]] | ||
| סיום פעילות = [[י' אייר]] [[ה'תרל"ד]] | | סיום פעילות = [[י' אייר]] [[ה'תרל"ד]] | ||
| רביס = [[רבי צבי הירש פון זידיטשוב]]; [[רבי אברהם יהושע העשיל (אפטא)]] | | רביס = [[רבי צבי הירש אייכנשטיין|רבי צבי הירש פון זידיטשוב]]; [[רבי אברהם יהושע העשיל (אפטא)]] | ||
| ספרים = חומש היכל הברכה; נוצר חסד; אוצר החיים און נאך | | ספרים = חומש היכל הברכה; נוצר חסד; אוצר החיים און נאך | ||
| אב = [[רבי אלכסנדר סענדער אייכנשטיין]] פון קאמארנא | | אב = [[רבי אלכסנדר סענדער אייכנשטיין]] פון קאמארנא | ||
רעוויזיע פון 08:24, 28 אפריל 2023
פאראמעטער פעלערן אין מוסטער:אישיות רבנית
פאראמעטער [ חסידות, פאריגער, עיקר חיבור, הויף ארט, נאכפאלגער, נומער אין דינאסטיע ] ערשיינען נישט אין מוסטער דעפיניציע
| געבורט | כ"ה שבט ה'תקס"ו |
|---|---|
| פטירה |
י' אייר ה'תרל"ד (אלט: 68) קאמארנא, גאליציע, עסטרייכער אימפעריע (היינט אוקריינע) |
| מקום קבורה | קאמארנא, גאליציע |
| תקופת הפעילות | כ"א אב ה'תקע"ח – י' אייר ה'תרל"ד (55 יאָרן) |
| רבי'ס | רבי צבי הירש פון זידיטשוב; רבי אברהם יהושע העשיל (אפטא) |
| ספרים | חומש היכל הברכה; נוצר חסד; אוצר החיים און נאך |
| ווייב | מרת גיטל טאכטער פון רבי אברהם מרדכי פון פינטשאוו |
| קינדער | רבי אליעזר צבי סאפרין |
נוסח פון זיין מציבה
|
|---|
|
כתר תורה
פ”נ י’ אייר תרל”ד אדונינו מורינו ורבינו, רבן של ישראל, מאור הגולה, עמוד הימיני פטיש החזק, מופת הדור, הגאון קדוש אלקי, אספקלריא המאירה, אור מופלא ומכוסה, גאון הגאונים קודש הקדשים, מרא דרזין דנהירין ליה שבילי דרקיע כשבילי דנהר דעה, בוצינא קדישא, חסידא ופרישא, המפורסם בקדושתו וענוות צדקתו, עמוד ברזל, צדיק יסוד עולם, אור שבעת הימים, אוהב ישראל מרן רבינו מוהר”ר יצחק אייזיק יהודה יחיאל זללה”ה בהרב הצדיק הקדוש מו”ה אלכסנדר זללה”ה אב”ד דפה ת.נ.צ.ב.ה. |
פאר אנדערע באדייטן, זעט רבי יצחק אייזיק יהודה יחיאל סאפרין (כ"ה שבט ה'תקס"ו, 1806 - י' אייר ה'תרל"ד, 1874) איז געווען דער צווייטער רבי פון די קאמארנא דינאַסטיע.
ביאגראפיע
געבורן געווארן צו רבי אלכסנדר סענדער אייכנשטיין, רב אין זידיטשוב און אין קאמארנא, אום כ"ה שבט ה'תקס"ו. אין עלטער פון צוועלף יאר איז זיין פאטער אוועק, און ער איז אויפגעוואקסן ביי זיין פעטער רבי צבי הירש פון זידיטשוב, וואס איז אויך פאררעכנט געווארן ביי אים אלס זיין רבי. אום יאר ה'תקפ"ב האט ער געהייראט מרת גיטל טאכטער פון רבי אברהם מרדכי פון פינטשאוו, אטן איז געבליבן וואינען נעבן זיין שווער. מיט די צייט האט ער אויך אנגעהויבן דארט פירן באדמו"רות.
א קורצע צייט האט ער געדינט אלס דיין אין זידיטשוב, אבער זיי האבן אים איבערגעטראגן פון די רבנות. ער איז געווען ער איז געווען דערנידעריקט, געליטן, און אַפילו הונגעריק פאַר ברויט. רבי יצחק אייזיק האט געזאגט אז ער האט זוכה געווען צו אלע מדריגות נאר אויף דעם וואס ער האט אויסגעהאלטן אלע רדיפות און אלס אנגענומען מיט ליבע און פרייד.
שפעטערע יארן איז ער אריבער וואוינען אין שטאט ווי זיין טאטע האט געוואוינט קאמארנא, ווי ער האט געוואוינט ביז סוף ימיו, און ער איז אויך פאררופן אויף די שטאט "רבי אייזיק'ל קאמארנא'ער".
ער איז געווען דער ערשטער זיך צו באנוצן מיטן לעצטע נאמען "סאפרין"[א] וואס ער האט פארטוישט פון אייכנשטיין.
אין הקדמה צום ספר "זוהר חי" שרייבט אויף אים זיין זון רבי אליעזר צבי, אז ער איז געווען א גלגול פון דער ינוקא וואס ווערט געברענגט אין זוהר, אזוי אויך האט ער אליינס געשריבן אויף זיך אז ער איז געבורן געווארן אום יאר "משיח בן יוסף".
ר' יצחק אייזיק ווערט פאררעכנט אלס דער דאמינאנטער און צענטראלער רבי אין דער געשיכטע פון קאמארנא. געווען באווסט אלס א בעל מופת, און איז געווען א "אדמו"ר לאלפים"[1], און א גרויסער שרייבער אין אלע חלקי התורה, מערסטנס אין תורת הקבלה, און איז געווארן אנגערופן מיטן טיטל "שר בית הזוהר". באקאנט מיט זיינע ארגינעלע פסיקות אין הלכה. ער האט זיך געהאלטן כמעט פאר א דירעקטער תלמיד פונעם בעש"ט, כאטש ער איז געווען עטליכע דורות נאך אים, און האט אסאך געהארעוועט מיטן אויסטייטשן זיין תורה. אין זיינע ספרים האָט ער פאַראייביגט אַסאך דערציילונגען פון די תלמידי בעש"ט[1].
זיינע רביס זענען געווען זיין פעטער רבי צבי הירש פון זידיטשוב מיט רבי אברהם יהושע העשיל (אפטא), און איז אויך אסאך געפארן צו אלערליי צדיקי דורו.
נאך זיין פטירה האט זיין זון רבי אליעזר צבי סאפרין איבערגענומען זיין פלאץ.
פאמיליע
- זיין טאכטער מרת הינדא שרה, חתונה געהאט צו רבי מנשה יעקב קלינבערג גרינדער פון זאלושיץ דינאַסטיע.
- זיין זון רבי אלכסנדר סענדרסאפרין, איז אוועק נאך אין לעבן פון זיין טאטע.
- זיין זון רבי אליעזר צבי סאפרין פון קאמארנא זי”ע.
זיינע ספרים
שרייבן ספרים האט ער געהאלטן אלס די הויפט ווערק פון זיין, ער האט געשריבן אסאך ספרים אין וועלכע ער האט צוזאמגעשטעלט קבלת האר"י מיט תורת הבעש"ט, אריינגערעכנט צווישן זיי:
- היכל הברכה - אויף חמשה חומשי תורה, ווי ער שטעלט זיך שטארק אויף די מסורה.
- אוצר החיים - פירוש אויף תרי"ג מצוות על דרך הפרד"ס (געדרוקט אין חומש היכל הברכה).
- כתם אופיר - פירוש אויף מגילת אסתר (געדרוקט אין חומש היכל הברכה).
- זוהר חי - פירוש אויף ספר הזוהר לויט קבלת האר"י און תורת הבעש"ט.
- נתיב מצוותיך - הקדמה צו ספר 'אוצר החיים'.
- נוצר חסד - פירוש אויף מסכת אבות.
- אדם ישר - תפילות און סגולות געראטעוועט צו ווערן פון מגיפה.
- דרך אמונה - "דברים הנצרכים לתורה ולעבודה" (געדרוקט אין חומש היכל הברכה סוף פרשת בראשית).
אזוי אויך האט ער געשריבן א צאל ספרים אין תורת הנגלה אן הלכה, ווי פאלגנד:
- עצי עדן, מעשה ארג, ופני זקן - פירוש אויף משניות.
- עשירית האיפה - פירוש אויף תורת כהנים.
- פני זקן - פירוש אויף תלמוד ירושלמי מסכת שקלים.
- נדבת פי - פירוש אויף מסכת קינים, מיט הערות אויף זיינע אויבנדערמאנטע ספרים 'פני זקן' און 'עשירית האיפה'.
- שולחן הטהור - אויף סדר ההלכות אין שולחן ערוך.
באזונדער איז זיין ספר מגילת סתרים וואס פארמאגט צוויי אפטיילן. דער ערשטער איז "ספר החזיונות" וואס איז ווי א טאג-בוך פון חלומות און אנדערע מעשיות לויט די דאטומען, אזוי אויך רעדט ער אסאך ארום איבער שורשי הנשמות (אין הויכפונקט פון אים און די ארומיגע), דער צווייטער איז "מעשה השם" מעשיות אויף דער בעש"ט, וואס א גרויסער טייל פון זיי האט ער געהערט פון זיין שווער.
דער ספר איז ביז ארום ה'תש"י נישט געווען צו געפונען, סאיז נאר אריבער צווישן א קליין צאל קאמארנא חסידים בכתבי ידות, אום ה'תש"י האט מוסד הרב קוק דורך נפתלי בן מנחם געדרוקט צום ערשטן מאהל דעם ספר.
ליינט מער
- ברוך ישר (שליכטער), בית קומרנה, ירושלים תשכ"ה.
- רבי ישראל פרנקפורטר, שלשלת קאמארנא, ירושלים תשס"ה.
דרויסנדע לינקס
- דער ציון הקדוש אין קאמארנא, אויף אהלי צדיקים זייטל.
- רון וקס, די באנוץ מיט ייחודים ביי רבי יצחק יהודה יחיאל ספרין פון קאמארנא, אויף "דעת"
- יעקב מאיר, לעקציע אויף פני זקן ביי א צאמקום אין בר-אילן אוניווערסיטעט
- א ברייטער באשרייבונג אויף קברי צדיקים זייטל.
- אַ קאַגניטיוו מאָדעל פֿאַר דער מיסטיש דערפאַרונג און זייַן אַפּלאַקיישאַן אין די שריפטן פון רבי יצחק יצחק סאפרין פון קאמארנא יונתן שרייבער, 2013.
זיינע ספרים אויף HebrewBooks זייטל
- היכל הברכה (ואוצר החיים) - בראשית, שמות, ויקרא, במדבר, דברים
- זוהר חי - בראשית א, בראשית ב, שמות א, שמות ב, ויקרא במדבר דברים
- אדם ישר
- פני זקן אויף ירושלמי שקלים
- שולחן הטהור א, ב
- עשירית האיפה אויף תורת כהנים
- מגלת סתרים
- היכל הברכה אויף חמשה חומשי תורה אויף ויקיטקסט זייטל
רעפערענצן
- ↑ 1.0 1.1 יצחק אלפסי, החסידות.
קאטעגאריע:אדמו"רי קומרנה
קאטעגאריע:רבנים גליציאנים
קאטעגאריע:קומרנה: רבנים
קאטעגאריע:רבנים מקובלים
קאטעגאריע:פרשני מגילת אסתר
קאטעגאריע:פרשני ספר הזוהר
קאטעגאריע:המכלול: ערכים הנכללים בזים תורני
קאטעגאריע:פרשני התפילה
קאטעגאריע:פרשני התלמוד הירושלמי
[[{{{1}}}|ו{{{1}}}]]
ציטירן פאנטשער: ס'זענען דא <ref> טעגס פאַר א גרופע וואס הייסט "hebrew", אבער מ'האט נישט געטראפן קיין <references group="hebrew"/> טעג אנטקעגן, אדער א שליסנדיגער </ref> פעלט.