אונטערשייד צווישן ווערסיעס פון "רוי:דייטשלאנד"

נאך דעם קריג זענען גאר אסאך אידן צוריק געקומען קיין דייטשלאנד. זיי זענען געווען איינגעטיילט אין דריי גרופעס: מענטשן וואס האבן געוואוינט אין דייטשלאנד בעפאר דער קריג און האבן זיך צוריקגעקערט צו זייערע שטעט און היימען, פארלוירענע מענטשן אן פאמיליעס פון גאנץ אייראפע וועלכע האבן געפונען רעזערוואט אין דייטשלאנד, און אן ערך פון 20,000 אידן וועלכע זענען געווען באהאלטן אין דייטשלאנד דורכאויס דער קריג. סך הכל איז די צאל אידן אין דייטשלאנד נאך דער קריג געווען נאר 5 פראצענט פון בעפאר דער קריג. דער נומער איז שטארק רעדוצירט געווארן וואס שפעטער נאך דער קריג ווען די דייטשע אידן האבן [[אימיגרירט]] קיין [[ארץ ישראל]] און [[אמעריקע]]. אידן האבן זיך באזעצט נאך דער קריג אין מערב [[בערלין]], [[מינכן]], [[פראנקפורט]], [[דוסלדארף]], [[האמבורג]], און [[קעלן]]. ווייניגער פון 1,000 אידן האבן געוואוינט אין מזרח דייטשלאנד און אלע פון זיי אין מזרח בערלין.

די ווידער-פאראייגונג פון דייטשלאנד און שפעטער די צוזאמענפאל פון דעם [[סאוועטן פארבאנד]] האט געברענגט נאך אידן קיין דייטשלאנד וועלכע האט דעגרייכט 40,000 אין צאל. עס איז געווארן א גרעסערער פארלאנג פאר [[כשר]]ע עסן און און שולעס און נייע אידישע ארגאניזאציעס האבן זיך געגרינדעט. די צאל פון נישט יידישע אידן איז געשאצט געווארן צו דאפלט (80,000). היינט האלט די צאל אידן ביי 60,000 אבער רוב אידן זענען [[רעפארם אידנטום|רעפארמער]] אדער [[קאנסערוואטיוו אידנטום|קאנסערוואטיווער]] באוועגונגען וועלכע לאזט איבער זייער א קליינע צאל [[ארטאדאקסישע אידנטום|ארטאדאקסישע אידן]].