אונטערשייד צווישן ווערסיעס פון "רוי:לייב קוויטקא"

ער איז געבוירן געוואָרן אינעם שטעטל [[האָלאָסקאָוו]] פון דער [[פּאָדאָליער גובערניע]] פון דער [[רוסלענדישער אימפּעריע]] (יעצט – די כמעלניצקער געגנט פון [[אוקראַיִנע]]). ער האָט ניט געוואוּסט גענוי זיין געבורטס-דאַטע און געהאַלטן, אַז ער איז געבוירן געוואָרן אומגעפער ערגעץ אין 1893 – 1895. אין זיינע אָפיציִעלע דאָקומענטן אָבער איז געשטאַנען די דאַטע – דעם 11טן נאָוועמבער 1890 (לויטן [[יוליאנישער קאלענדאר|יוליאנישן קאלענדאר]]). לייב קוויטקאָ איז פרי געבליבן אַ יתום און געוואַקסן ביי דער באָבען. ער האָט זיך געלערנט אין אַ חדר און נאָך יונגלווייז אָנגעהויבן אַרבעטן. שוין אין די קינדער-יאָרן האָט ער געשריבן לידער. זיין ערשטע פּובליקאַציע געווען אין מיי 1917 אין דער קיִעווער צייטונג "דאָס פרייע וואָרט". אין דעם זעלבן יאָר איז אין קיִעוו דערשינען זיין ערשטע לידער-זאַמלונג "לידעלעך". באַרימט געוואָרן אַדאַנק זיין פּאָעמע "אין רויטן שטורעם", געווידמעט דער אָקטאָבער-רעוואָלוציע אין רוסלאַנד. די פּאָעמע איז פאַרעפנטליכט געוואָרן אין דער קיִעווער צייטונג "דאָס ווארט" נאָוועמבער 1918. אַזעלכע שורות פון איר, ווי "מיר צעקריגטע שוין מיט טאַטעס,/ מיר פאַרברענען אַלטע שמאַטעס..." האָבן אָפּגעשפּיגלט שטימונגען פון אַ באַדייטנדער טייל אידישער יוגנט.

אין 1921 האָט ער עמיגרירט פון סאָוועטישער אוקראַיִנע אין דייטשלאַנד. ער האָט געלעבט אין בערלין און שפּעטער – אין האַמבורג, זיך געדרוקט סיי אין מערבדיקע (קודם-כל אין די זשורנאַלן "מילגרוים" און "צוקונפט"), סיי אין סאָוועטישע ייִדישע פּעריִאָדישע אויסגאַבעס. אין דייטשלאַנד איז לייב קוויטקאָ געוואָרן אַ מיטגליד פון דער אָרטיקער קאָמוניסטישער פּאַרטיי.