אונטערשייד צווישן ווערסיעס פון "רוי:ביראבידזשאנער שטערן"

אין מיי 1945 האָט "ביראָבידזשאַנער שטערן" ווידער אָנגעהויבן צו דערשיינען ווי אַ באַזונדערע צייטונג. אין סוף 1940ער - אָנהייב 1950ער יאָרן זענען אין דער ייִדישער אויטאָנאָמער געגנט, ווי אינעם [[ראַטנפאַרבאַנד]] בכלל, פאָרגעקומען אַנטיסעמיטישע רדיפות. אַ טייל פון די רעדאַקציע-מיטאַרבעטער פון "ביראָבידזשאַנער שטערן" בראש מיטן רעדאַקטאָר דעם שרייבער בוזי מילער זענען אַרעסטירט געוואָרן. מען האָט זיי באַפרייט בלויז נאָך [[יאזעף סטאלין|סטאַלינס]] טויט. "ביראָבידזשאַנער שטערן" איז אָבער ניט פאַרמאַכט געוואָרן ביז 1961, ווען ס'איז געגרינדעט געוואָרן דער מאָסקווער זשורנאַל "[[סאָוועטיש היימלאַנד]]", איז אָט די צייטונג געווען די איינציקע ייִדישע פּעריִאָדישע אויסגאַבע אינעם ראַטנפאַרבאַנד. אין 1980 האָט די סאָוועטישע רעגירונג באַלוינט די צייטונג "ביראָבידזשאַנער שטערן" מיטן אָרדען "זנאַק פּאָטשאָטאַ" ("ערע-צייכן") לכבוד איר 50טן יאָרטאָג. אין דער מיט פון די 1980ער יאָרן, ווען דער רעדאַרטאָר פון "ביראָביזשאַנער שטערן" איז געוואָרן [[לעאָניד שקאָלניק]], איז די צייטונג געוואָרן אַ באַדייטנדיקע טריבונע פון דער ייִדישער קולטור אינעם ראַטנפאַרבאַנד. אויף אירע שפּאָלטן האָבן זיך געדרוקט מחברים פון אויסער דער ייִדישער אויטאָנאָמער געגנט. איין מאָל אַ וואָך האָט "ביראָבידזשאַנער שטערן" פאַרעפנטלעכט אַ ליטעראַטור-זייטל.

היינט-צו-טאָג דערשיינט "ביראָבידזשאַנער שטערן" איין מאָל אַ וואָך (מיטוואָך). די צייטונג דערשיינט איבערהויפּט אויף [[רוסיש]] מיטן טיטל און צוויי זייטלעך אויף יידיש. אַ טייל פון רוסיש־שפּראַכיקע מאַטעריאַלן פון דער צייטונג זענען געווידמעט דער קולטור, דער געשיכטע און די רעליגיִעזע טראַדיציעס פונעם ייִדישן פאָלק. די היינטיגע הויפּט־רעדאַקטאָרין פון "ביראָבידזשאַנער שטערן" איז יעלענאַ סאַראַשעווסקאַיאַ.