אונטערשייד צווישן ווערסיעס פון "רוי:וולאדימיר לענין"

אין פעברואר 1917 האט אויסגעבראכן אין [[פעטערבורג]]—וואס דעמאלסט האט געהייסן פעטראגראַד זייט דעם אנהייב פון דער ערשטער וועלט-מלחמה—די [[פעברואר-רעוואלוציע]] ווען אינדוסטריעלע ארבעטער האבן געשטרייקט צוליב א מאנגל אין עסן און שלעכטע באדינגונגען אין די פאבריקן. אזוי ווי די שטרייק האט זיך פארשפרייט איבער רוסלאנד האט דער צאר ניקאליי דער צווייטער מורא געהאט און האט אבדיקירט פון זיין טראן. דער שטאַט דומאַ האט איבערגענומען די הערשאפט פונעם לאנד און האט אויפגעשטעלט א פראוויזארישע רעגירונג וואס האט פארוואנדלט די אימפעריע אין א נייער רוסישער רעפובליק .{{sfnm|1a1=Rice|1y=1990|1pp=136–138|2a1=Service|2y=2000|2p=253}} ווען לענין האט געהערט דערפון פון זיין ארט אין דער שווייץ, האט ער געפרייט מיט אנדערע דיסידענטן.{{sfn|Service|2000|pp=254–255}} ער האט באשלאסן אז ער פארט צוריק אין רוסלאנד צו  פירן די באלשעוויקן, אבער ס'איז געווען גאר שווער אריינפארן אין לאנד צוליב דעם קאנפליקט. ער האט ארגאניזירט מיט אנדערע דיסידענטן א פלאן צו פארהאנדלען וועגן א דורכפאר אדורך דייטשלאנד, מיט וועמען רוסלאנד האט דעמאלסט געהאלטן מלחמה. די דייטשן האבן געכאפט אז די דאזיקע דיסידענטן וועלן שאפן פראבלעמען פאר זייערע רוסישע שונאים, און דערפאר האט די דייטשע רעגירונג איינגשטימט צו לאזן 32 רוסישע בירגער פארן אין א "געזיגלטן" באן וואגן אדורך זייער טעריטאריע, צויישן זיי לענין מיט זיין ווייב.{{sfnm|1a1=Fischer|1y=1964|1pp=109–110|2a1=Rice|2y=1990|2p=139|3a1=Pipes|3y=1990|3pp=386, 389–391|4a1=Service|4y=2000|4pp=255–256|5a1=White|5y=2001|5pp=127–128}} די גרופע איז געפארן אויף דער באן פון ציריך קיין זאסניץ, און פון דארט מיט א פראם קיין טרעלעבארג, שוועדן, און פון דארט ווייטער קיין [[העלסינקי]] פון וואנעט זיי האבן גענומען א באן קיין פעטראגראד.{{sfnm|1a1=Fischer|1y=1964|1p=110–113|2a1=Rice|2y=1990|2pp=140–144|3a1=Pipes|3y=1990|3pp=391–392|4a1=Service|4y=2000|4pp=257–260}}

אין 1917, האבן די קאדעטס, א פארטיי פון די רעכטע, און אויך עלעמענטן פון די אכראנע (געהיימע פאליציי) פארשפרייט שמועות אז לענין האט באקומען געלט פון די דייטשן, זעענדיק אז ער איז אדורכגעפארן דייטשלאנד אנצוקומען אין רוסלאנד. דאס איז געווען נישט גוט פאר אים אזוי ווי א סך רוסן זענען געהרג'עט געווארן קעמפן דייטשלאנד ווערנט דער מלחמה. נאך די "יולי טעג", א פאפולערע אויפשטאנד אין פעטראגראד וואס די פראוויזיאנעלע רעגירונג האט צעבראכן, האט לענין פארלאזט רוסלאנד און ער איז געגאנגען אין  [[פינלאנד]], וואו ער האט זיך געקענט באהאלטן  און ווייטער ממשיך זיין מיט זיין ארבעט פאר קאמוניזם.