אונטערשייד צווישן ווערסיעס פון "רוי:וואסילי גראסמאן"

'''וואַסילי סעמיאָנאָוויטש גראָסמאַן''' ([[רוסיש]]: Василий Семёнович Гроссман, ייִדישער נאָמען: יוסף ; 12טן דעצעמבער 1905 - 14טן סעפּטעמבער 1964, מאָסקווע) איז געווען א רוסיש־שפּראַכיקער סאָוועטישער שרײַבער פון ייִדישן אָפּשטאַם.

געבוירן אין [[בערדיטשעוו|באַרדיטשעוו]] (הײַנט [[אוקרײַנע]]) אין אַן אַסימילירטער משפּחה. געענדיקט כעמיע־לימודים אין [[מאָסקווער אוניווערסיטעט]] אין 1929. געאַרבעט ווי אַן אינזשעניער אין די קוילן־גרובן אין דאַנעצק, אוקרײַנע. גענומען שרײַבן אין 1934.

נאָכן אַרײַנדרינג פון די נאַצישע אַרמייען אין [[ראטן פארבאנד|ראַטן־פאַרבאַנד]] בעת דער [[צווייטע וועלט-מלחמה|צווייטער וועלט־מלחמה]], אין יוני 1941, מאָביליזירט געוואָרן אין דער [[רויטע ארמיי|רויטער אַרמיי]]. באַגלייט די סאָוועטישע כּוחות איבער אוקרײַנע, [[בעלאַרוס]] און [[פּוילן]] און געשריבן קאָרעספּאָנדענצן וועגן גאַנג פון דער מלחמה, צווישן זיי — וועגן דעם ייִדישן [[חורבן]]. געווען אין די טויטלאַגערן אין [[טרעבלינקע]] און [[מיידאנעק|מײַדאַנעק]]. זײַן עדותשאַפט וועגן די נאַצישע מערדערײַען האָט געדינט ווי אַ באַשולדיקונג־דאָקומענט אויפן [[נירנבערג פראצעס|נירנבערגער פּראָצעס]]. צוזאַמען מיט [[איליאַ ערענבורג]] און אַנדערע, צווישן זיי [[אברהם סוצקעווער|אַברהם סוצקעווער]], אײַנגעזאַמלט אַ סך גבית־עדותן פון לעבן־געבליבענע און אויף דעם סמך רעדאַגירט [[דאָס שוואַרצע בוך]], די ערשטע דאָקומענטאַציע־זאַמלונג וועגן חורבן פון אייראָפּעיִשן אידנטום. דאָס בוך איז נישט דערשינען אין ראַטן־פאַרבאַנד, נאָר אין די [[פאראייניגטע שטאטן]] און דערנאָך אין אַנדערע ערטער.

גראָסמאַן האָט שטאַרק געליטן פון די [[סטאלין|סטאַלין]]־רדיפות. די ביכער וואָס ער האָט געשריבן נאָך 1945 זענען נישט דערשינען אין רוסלאַנד ביז נאָך זײַן טויט.