רוי:רבי אהרן פרידמאן (סאדיגורא)

רבי אהרן פרידמאן זצ"ל (י"ב תשרי ה'תרל"ז - י"ט תשרי ה'תרע"ג), פון סאדיגורא.

אפשטאם

רבי אהרן איז געבוירן י"ב תשרי ה'תרל"ז, צו זיין פאטער הרב ישראל פרידמאן, פון סאדיגורא, א זון פון הרב אברהם יעקב פרידמאן פון סאדיגורא, א זון פון הרב ישראל פרידמאן פון רוזשין, א זון פון הרב שלום שכנא, פון פראהבישטש, א זון פון הרב אברהם המלאך, דער חסד לאברהם, א זון פון הרב דוב בער, דער מעזריטשער מגיד. און צו זיין מוטער מרת אסתר א טאכטער פון הרב יצחק פרידמאן, פון באהוש.

רבנות

אין עלטער פון דרייסיג יאר, נאך די פטירה פון זיין פאטער י"ג תשרי ה'תרס"ז האבן דעם פאטער'ס חסידים אויפגענומען רבי אהרן אלס רבי אויף זיין פאטער'ס ארט.

הסתלקות

רבי אהרן איז נפטר געווארן אין עלטער פון זעקס און דרייסיג יאר, אין דעם זעלבען טאג פון זיין ברית, ביי די אושפיזא פון אהרן י"ט תשרי ה'תרע"ג, און ליגט אין סאדיגורא.

פאמיליע

אין יאר ה'תרנ"ו האט רבי אהרן געהייראט מרת שרה שיינדיל רויזא ( - י"ב מנחם אב ה'תשי"ח), א טאכטער פון הרב שלום יוסף פרידמאן, פון הוסיאטין. זייערע קינדער:

• הרב מרדכי שלום יוסף פרידמאן (י"ז כסלו ה'תרנ"ז - כ"ט ניסן ה'תשל"ט), פון סאדיגורא.

• מרת אסתר (תשעה באב ה'תרנ"ט - ), די ווייב פון ר צבי וואלף, פון ביליץ.

• מרת מרים, די ווייב פון ר סענדער וואלף.

זעט אויך

• סאדיגורא (הויף)

רעפערענצן

• אנציקלופדיה לחכמי גליציה, מאיר וונדר
• נר ישראל ח"ו בערכו (9)

דער בלאט קומט פון יידיש-וויקיפעדיע.
אריגינעלער בלאט • ערלויבעניש cc-by-sa 3.0.

דאס איז נישט קיין המכלול ארטיקל, בלויז עפעס וואס ליגט דא ביז עס וועט ערזעצט ווערן מיט בעסערס. שרייבט עס איבער!