רוי:רבי צבי אלימלך הורוויץ

רבי צבי אלימלך הורוויץ זצ"ל (ה'תר"ס - ה'תש"ג), רב אין דעמביץ.

אפשטאם

רבי הערשעלע איז געבוירן אין יאר ה'תר"ס (אומגעפער), צו זיין פאטער הרב שמואל הורוויץ, רב אין דעמביץ, א זון פון הרב ראובן הורוויץ, רב אין דעמביץ, א זון פון אליעזר הורוויץ, רב אין דזשיקאוו, באקאנט אלס רבי אליעזר'ל דזשעקאווער, א זון פון הרב נפתלי צבי הורוויץ, דער ראפשיצער רב. און צו זיין מוטער מרת גיטלה די טאכטער פון הרב יחיאל וואגשאהל פון פריסטיק.

רבנות

אין יאר ה'תרפ"ג ווען רבי הערשעלעס פאטער רבי שמואל איז נפטר געווארן, האט רבי הערש'עלע נאך נישט געהאט קיין היתר הוראה, דעראיבער האט זיך געשאפן א קריגעריי אין די שטאט, צו מ'זאל אים לאזען ווערן רב אויף דעם פאטער'ס ארט, אדער מ'זאל אויף נעמען הרב שלמה זלמן פרענקל רב אין יאדלאווא, צום ענדע איז רבי הערש'עלע געווארן אויפגענימען אלס רב.

הסתלקות

רבי הערשעלע איז פארברענט געווארן אין מעליץ אויף קידוש השם, הי"ד.

פאמיליע

רבי הערשעלע האט געהייראט מרת הינדא די טאכטער פון הרב יהושע שפירא פון דינוב, נאך אכצן יאר איז אים געבוירן פיר טעכטער. זי איז אומגעקומען אויף קידוש השם מיט אירע פיר טעכטער, הי"ד.

רעפערענצן

• אנציקלופדיה לחכמי גליציה, מאיר וונדר

דער בלאט קומט פון יידיש-וויקיפעדיע.
אריגינעלער בלאט • ערלויבעניש cc-by-sa 3.0.

דאס איז נישט קיין המכלול ארטיקל, בלויז עפעס וואס ליגט דא ביז עס וועט ערזעצט ווערן מיט בעסערס. שרייבט עס איבער!