רוי:פליניוס דער עלטערער

גאַיוס פליניוס סעקונדוס (לאטייניש: Gaius Plinius Secundus; ‏ 23 – 25סטן אויגוסט 79), באקאנט מיטן נאמען פליניוס דער עלטערער, איז געווען א שרייבער, א פארשער פון נאטור-געשיכטע און א קאמאנדיר פון די רוימישע מיליטער און ים־פלאט.

לעבנסגעשיכטע

יונגע יארן

ער איז געבוירן געווארן אין דער שטאט קאמא אין צפון איטאליע צו א נגידישע משפחה. זיין פאטער איז געווען פון דעם ריטער קלאס (equites) און זיין מוטער איז געווען די טאכטער פונעם סענאטאר גאיוס קאיקיליוס.

ביי א יונגער עלטער איז ער אריבער מיט זיין משפחה וואוינען אין רוים. ער איז באאיינפלוסט געווארן פון סענעקא, און האט געלערנט רעטאריק, פילאסאפיע, באטאניק און אנדערע געביטן.

מיליטער דינסט

אין יאר 45 האט פליניוס זיך צוגעשטעלט צו דער רוימישער מיליטער.

דער צוים פון פליניוסנס פערד ווערט געוויזן היינט אינעם בריטישן מוזיי אין לאנדאן.