רוי:מחיר יין

דער אַרטיקל איז א יתום, קיין אַרטיקל לינקט צו עס. איר זענט געלאדנט צו ביישטייערן צו המכלול און פארבינדן צו עס פון ארטיקלען וואס אנטהאלטן "מחיר יין".

 

מחיר יין איז דאס ערשטע ספר וואס איז געשריבן געווארן דורכן רמ"א, העכסט ווארשיינליך אין יונגן עלטער פון זיבעצן יאהר.

דאס ספר איז א מחשבה ספר וועלכע פארגלייכט די ערציילונג פון מגילת אסתר צום פריוואטן לעבן פון א מענטש.

געשיכטע

אין יאהר ה'שט"ז האט אויסגעבראכן א מגיפה אין דער שטאט קראקע וואו משפחת איסערליש האט דאן געוואוינט. צוליב דעם האבן זיי געוואנדערט קיין שידלאוו, א שטעטל נישט ווייט פון סטאשאוו און קעלץ, וואו זיי האבן געהאט א שווער לעבן אזש ווען ס'איז געקומען דער יום טוב פורים זענען זיי נישט געווען ביכולת מקיים צו זיין די מצוות היום ווי עס ברויך צו זיין.

דערפאר האט דער זוהן משה מקדיש געווען דאס ספר פאר זיין טאטן רבי ישראל במקום משלוח מנות.

דרוקסאגראפיע

עס איז צוערשט געדרוקט געווארן ווי א באזונדער ספר און דערנאך ארייגעדרוקט געווארן אין פילע אויסגאבעס אינאיינעם מיט דער מגילה.

• קרעמאנא ה'שי"ט, זעכציג זייטן
• האמבורג תע"א
• ווארשע תקצ"ח
• ווארשע, תר"ם
• אראדעא, תרצ"ט
• ירושלים, תרפ"ו

וועב לינקען

• מחיר יין אין ויקיטקסט
• האמבורגער דרוק

דער בלאט קומט פון יידיש-וויקיפעדיע.
אריגינעלער בלאט • ערלויבעניש cc-by-sa 3.0.

דאס איז נישט קיין המכלול ארטיקל, בלויז עפעס וואס ליגט דא ביז עס וועט ערזעצט ווערן מיט בעסערס. שרייבט עס איבער!