רוי:רבי מנחם מענדל האלבערשטאם

רבי מנחם מענדל האלבערשטאם זצ"ל (ה'תרכ"ד - כ"א אדר ה'תרפ"ו) רב אין פריסטיק און דוקלא

אפשטאם

רבי מענדל'ע איז געבוירן אין יאר ה'תרכ"ד, צו זיין פאטער הרב אריה לייביש האלבערשטאם, רב אין דוקלא, א זון פון הרב דוד האלבערשטאם רב אין קשאנאוו, א זון פון הרב רבי חיים האלבערשטאם, דער דברי חיים. און צו זיין מוטער מרת מרים א טאכטער פון הרב אביגדור האלבערשטאם, רב אין דוקלא א ברידער פון דברי חיים.

רבנות

אין יאר ה'תרנ"ה איז רבי מענדל'ע געווארן רב אין פריסטיק, נאך זיין פאטער'ס פטירה האט ער אויך איבערגענומען דעם פאטער'ס ארט, אלס רב אין דוקלא.

הסתלקות

רבי מענדל'ע איז נפטר געווארן כ"א אדר ה'תרפ"ו, אין ליגט אין פריסטיק

פאמיליע

אין יאר ה'תרל"ט האט רבי מענדל'ע געהייראט מרת פייגא ביילא א טאכטער פון זיין עלטער-פעטער הרב רבי יחזקאל שרגא האלבערשטאם, דער שינאווער רב, זי איז אומגעקומן אויף קידוש השם י"ח תמוז ה'תש"ב, הי"ד. זייערע קינדער:

• הרב רבי חנה האלבערשטאם (ו' תמוז ה'תרמ"ד - י"ח תשרי ה'תש"ג), דער קאלאשיצער רב.

• הרב אביגדור האלבערשטאם, (ה'תר"ן (אומגעפער) - ה' כסלו ה'תרע"ז) ער האט געהייראט מרת חנה רחל א טאכטער פון הרב רבי נפתלי רובין. ער איז נפטר געווארן אין בארדיאוו. זייערע קינדער:

• מרת מיריש הי"ד, די ווייב פון רבי דוד לייביש האלבערשטאם, א זון פון איר פעטער רבי חנה האלבערשטאם רב אין קאלאשיץ.

• הרב חיים ברוך האלבערשטאם הי"ד (ה'תרמ"ז - ה'תש"ב), רב אין פריסטיק.

• הרב יחזקאל האלבערשטאם ( - ט"ו אדר ה'תש"ב), רב אין דוקלא, אין יאר ה'תר"פ האט רבי יחזקאל געהייראט מרת רחל מרים א טאכטער פון הרב יצחק רובין פון צפת, א זון פון הרב רבי אברהם יהושע העשיל רובין, רב אין יאסלא, און א איידעם פון הרב רבי נפתלי רובין.

• הרב דוד האלבערשטאם הי"ד, פון טשעבין רב אין יאשליסק. אין יאר ה'תרפ"א האט ער געהייראט מרת שרה מלכה דבורה א טאכטער פון הרב רבי אלעזר ראזענפעלד פון אשפעצין. ער איז אומגעקומן צוזאמען מיט זיין פאמיליע אויף קידוש השם, הי"ד. זייערע קינדער:
  • חיים, הי"ד. יחזקאל, הי"ד. מנחם מענדל, הי"ד. יהושע, הי"ד. חנה רחל, הי"ד. יוכבד, הי"ד. רבקה, הי"ד. מרים, הי"ד. שיינדל, הי"ד. פראדיל, הי"ד.

• מרת חנה מרים זי האט געהייראט הרב אפרים דוד האלבערשטאם, א זון פון הרב רבי יחיאל נתן האלבערשטאם, א זון פון הרב משה האלבערשטאם רב אין בארדיוב, א זון פון גארליצער רב. רבי אפרים דוד איז געבוירן געווארן אין יאר ה'תרנ"ו אין צאנז, אין יאר ה'תרפ"ה איז ער געווארן רב אין יאשליסק, אין יאר ה'תר"צ האט ער זיך באזעצט אין מישליניץ און געפיערט דארט א ישיבה. ער איז אומגעקומן צוזאמען מיט זיין פאמיליע אויף קידוש השם, הי"ד.

רעפערענצן

• י"ג אורות - סיפורים דערציילט דורך רבי יענקלי לייזער דער פשעווארסקער רבי - ארויס געגעבן דורך זיין אייניקל הרב יוסף נפתלי וואגשאהל, ה'תשנ"ד
• אנציקלופדיה לחכמי גליציה, מאיר וונדר

דער בלאט קומט פון יידיש-וויקיפעדיע.
אריגינעלער בלאט • ערלויבעניש cc-by-sa 3.0.

דאס איז נישט קיין המכלול ארטיקל, בלויז עפעס וואס ליגט דא ביז עס וועט ערזעצט ווערן מיט בעסערס. שרייבט עס איבער!