אונטערשייד צווישן ווערסיעס פון "רוי:רבי חיים דוד זילבער־מרגליות"
ק (החלפת טקסט – "[[אברהם מרדכי אלטער" ב־"[[רבי אברהם מרדכי אלטער") |
ק (החלפת טקסט – "[[יהודה אריה לייב אלטער" ב־"[[רבי יהודה אריה לייב אלטער") |
||
| שורה 5: | שורה 5: | ||
צו אכצן יאר האט ער חתונה געהאט מיט דער טאכטער פון הרב אביגדור יהודה לעוונטאל, אב"ד קויל, לעבן [[קאליש]] אין מערב פוילן.<ref name=Hamodia/> ער האט באקומען היתר הוראה פון הרב [[יהושע טראנק]] פון [[קוטנא]] און [[רבי אברהם בארנשטיין]], דעם "אבני נזר" פון [[סאכאטשאוו]].<ref name=Meizels>[http://horabis.blogspot.com/2007/10/blog-post_5354.html פנינה מייזליש, ''רבנים שנספו בשואה'']</ref> | צו אכצן יאר האט ער חתונה געהאט מיט דער טאכטער פון הרב אביגדור יהודה לעוונטאל, אב"ד קויל, לעבן [[קאליש]] אין מערב פוילן.<ref name=Hamodia/> ער האט באקומען היתר הוראה פון הרב [[יהושע טראנק]] פון [[קוטנא]] און [[רבי אברהם בארנשטיין]], דעם "אבני נזר" פון [[סאכאטשאוו]].<ref name=Meizels>[http://horabis.blogspot.com/2007/10/blog-post_5354.html פנינה מייזליש, ''רבנים שנספו בשואה'']</ref> | ||
כאטש זיין פאטער איז געווען א לובלינער חסיד, איז ר' חיים דוד געווארן א חסיד ביים [[יהודה אריה לייב אלטער|שפת אמת]] פון [[גער]], און שפעטער ביים [[רבי אברהם מרדכי אלטער|אמרי אמת]]. | כאטש זיין פאטער איז געווען א לובלינער חסיד, איז ר' חיים דוד געווארן א חסיד ביים [[רבי יהודה אריה לייב אלטער|שפת אמת]] פון [[גער]], און שפעטער ביים [[רבי אברהם מרדכי אלטער|אמרי אמת]]. | ||
== רבנות == | == רבנות == | ||
רעוויזיע פון 21:50, 17 דעצעמבער 2023
הרב חיים דוד זילבער־מרגליות (ה'תרכ"ד- כ' כסלו ה'תש"א) איז געווען דער אב"ד קויל, פוילן.
ביאגראפיע
חיים דוד איז געבוירן אין תרכ"ד אין זשעלעכאוו, לעבן לובלין, צו זיין פאטער ר' נפתלי צבי הירשל[1], א חסיד פון רבי לייבעלע אייגער פון לובלין און א תלמיד פונעם חידושי הרי"ם.[2]
צו אכצן יאר האט ער חתונה געהאט מיט דער טאכטער פון הרב אביגדור יהודה לעוונטאל, אב"ד קויל, לעבן קאליש אין מערב פוילן.[2] ער האט באקומען היתר הוראה פון הרב יהושע טראנק פון קוטנא און רבי אברהם בארנשטיין, דעם "אבני נזר" פון סאכאטשאוו.[3]
כאטש זיין פאטער איז געווען א לובלינער חסיד, איז ר' חיים דוד געווארן א חסיד ביים שפת אמת פון גער, און שפעטער ביים אמרי אמת.
רבנות
ווען זיין שווער איז נפטר געווארן אין תרנ"ג, האט די קהילה אין קויל געבעטן ר' חיים דוד איבערצונעמען דאס רבנות. ער האט נישט געוואלט אויפנעמען, אבער די קהילה האט באקומען בריוו פון אסאך גדולים און ענדלעך האט ער מסכים געווען צו ווערן שטאטס רב אין קויל. צווישן די בעלי בתים אין קויל זענען געווען עטליכע קצבים וואס האבן געשטערט ווען די שוחטים האבן געזאגט אויף די בהמות אז זיי זענען טרייף. דער רב האט געפרואווט נישט לאזן די קצבים אין שעכטהויז אריין, אבער זיי זענען דאך אריינגעקומען. הרב חיים דוד האט דעריבער צוגעמאכט דאס שעכטהויז אין קויל. ביז דריי יאר האט דאס געדויערט ביז די קצבים האבן מסכים געווען הארכן דעם רב'ס פסק. אין צווישנצייט האט דער רב אין זיין משפחה נישט געלעבט אין גרויס דחקות, ווייל דעם רב'ס געהאלט איז געקומען פון דעם שחיטה שטייער, וואס במשך די דריי יאר איז נישט געווען אין שטאט קיין שחיטה.[2][3]
הרב חיים דוד האט אויך פארמאכט די פריוואטע חדרים פון די מלמדים, וואס האבן געוואלט לערנען נאר מיט די קינדער פון די גבירים אין שטאט, און נישט די קינדער פון די ארעמע לייט וואס האבן נישט געקענט צאלן אסאך שכר לימוד. ער האט אויפגעשטעלט אין שטאט די "עץ חיים" חדר, וואו די עלטערן האבן געצאלט יעדער איינער וויפיל איז געווען אים מעגלעך, און אלע קינדער האבן געלערנט גלייך.[2][3]
רב חיים דוד איז געווארן א מיטגליד אין דער מועצת גדולי התורה פון אגודת ישראל, און איז געווען א גרויסער קעגנער צו ציוניזם.[3]
רב חיים דוד איז געבליבן קוילער רב קנאפע פופציג יאר, ביז די דייטשן האבן אינוואדירט פוילן ביים צווייטן וועלט קריג, און די אידן זענען פארטריבן פון דער שטאט.[2]
פטירה
רב חיים דוד האט געוואנדערט, מיט כמעט נאר זיין טלית און תפילין, ביז ער איז געקומען קיין לובלין, וואו זיינע קרובים האבן אים אריינגענומען אין שטוב. אבער ער איז שוין געווען גאר שוואך, און כ' כסלו תש"א איז ער נפטר געווארן. מען האט אים באערדיגט אין דער רבנים חלקה פון דעם לובלינער בית עולם.[2][3]
ספרים
- "דבר ישרים" על התורה
רעפערענצן
דרויסנדע לינקס
דאס איז נישט קיין המכלול ארטיקל, בלויז עפעס וואס ליגט דא ביז עס וועט ערזעצט ווערן מיט בעסערס. שרייבט עס איבער!