הדלקה עושה מצוה

חנוכה ליכט צינדן

הַדְלָקַה עו֗שַׂה מִצְוָה איז א הלכה וואס באדייט אז די מצוה פון צינדן די חנוכה ליכט איז מיט די עצם צינדן די ליכט, און נישט מיטן לייגן אנגעצינדענע ליכט.

מקור

די גמרא רעדט אדורך וואס איז די עיקר אין די מצוה פון חנוכה ליכט, צו דען די עצם צינדן די ליכט, אדער דאס וואס די ליכט שטייט אויף א פלאץ ווי ס'ברענגט צו צו פרסומי ניסא, און די גמרא פירט אויס:

מדקא מברכינן אשר קדשנו במצותיו וצונו להדליק נר של חנוכה שמע מינה-הדלקה עושה מצווה

— שבת כג, א.

די טעם דערצו

• לויט רש"י אז סזאהל זיין צוגעגליכן צו די ליכט וואס זענען געצינדן געווארן אין בית המקדש, וואס דארט איז די מצוה דערפון געווען נאר די עצם צינדן.
• לויט די כתב סופר ווייל די חנוכה ליכט איז דאך צו דערמאנען די נס וואס די ליכט האבן געברענט, און דאס ווערט שוין באדייט מיט די עצם צינדן, און נישט דווקא מיט די ארויסשטעלן אויף א באקענטיגער ארט.

אין הלכה

• טראץ וואס ביי א מצוה דארף מען אלס אינזינען האבן לשם מצוה, אבער אויב די חנוכה לאמפ ליגט שוין פון די נעכטיגע טאג אויפן ארט ווי מצינדט, פאדערט זיך נישט דאס אוועקשטעלן דארט פון דאסניי היינטיגן טאג, ווייל די עיקר איז די עצם צינדן, און נישט די ארט ווי סשטייט.

• אויב האט איינער געצינדן די חנוכה ליכט אויף א ארט ווי לויט די הלכה קען מען דארט נישט יוצא זיין די מצוה און האט דאס דערנאך אריבערגעפירט פון דארט צו א גוטן ארט, האט נישט יוצא געווען די מצוה, ווייל ביים צינדן איז דאס נישט געטאנען אויף א גוטן ארט, און די צינדן איז די עיקר.

• אויב האט געצינדן די ליכט איינער וואס ראיז נישט מחויב, ווי צום ביישפיל א קליין קינד אדער א גוי, איז דאס נישט גוט און מדארף איבערצינדן.

• די ליכט דארף קענען ברענען כאטש א האלבע שעה, טראץ דעם, אויב האט זיך די ליכט פארלאשן בעפאר סאיז א דורך א האלבע שעה זייט מען האט דאס אנגעצינדן, דארף מען דאס נישט איבער צינדן, צוליב דאס וואס די מצוה האט מען שוין מקיים געווען מיט די עצם צינדן די ליכט. דאס וואס סווערט אנגערופן אין גמרא און הלכה כבתה אין זקוק לה.

אין חסידות

רבי לוי יצחק פון בארדיטשוב לערנט ארויס פון די הלכה אויף די גאנצע יאהר אין עבודת ה', ווי ער טייטשט אויס די הלכה: ”הדלקה עושה מצוה, פירוש שלכתחלה צריך האדם לעשות המצוה בהדלקה ובהתלהבות בתשוקה נפלאה”.

זעט אויך

• חנוכה ליכט
• כבתה אין זקוק לה

ליינט מער

• משנה ברורה על אורח חיים תרעה.
• קיצור שולחן ערוך קלט סעיף יג.

דרויסנדע לינקס

• הדלקה עושה מצוה, הגאון רבי שלמה זלמן אולמן – ראב"ד מודיעין עילית.
• הדלקה עושה מצוה, ילקוט יוסף.

רעפערענצן

קלארשטעלונג: די אינפארמאציע אויף המכלול איז בלויז פאר בארייכערונג און זאל נישט געזען ווערן ווי א פסק הלכה.

טיילן פון דער ארטיקל זענען מעגליך איבערגעזעצט פון העברעאישער וויקיפעדיע
cc-by-sa 3.0 ערלויבעניש • אריגינעלער בלאט • ביישטייערער

25654867הדלקה עושה מצווה