אונטערשייד צווישן ווערסיעס פון "הילף:המכלול - על רגל אחת"

קודם עטליכע וויכטיגע כללים: '''1.''' א וויקי זעט אויס ווי א שטיקל וואלד מיט פילע בלעטער, קאמפליצירטע פראטאקאלן און ביוראקראטישע פראצעדורן, עס איז אבער היבש גרינגער ווי עס זעט אויס. '''די וויכטיגע ידיעות צו קענען שרייבן זענען אין פאקט גאר גרינג!''' קוקט אייך אום עטליכע טעג, לאזט זיך עס איינעסן און איר וועט געשווינד כאפן דעם פארטל. '''2.''' עס איז וויכטיג צו געדענקען אז '''אלעס קען גאר גרינג ווערן צוריקגעדרייט''', און איר מאכט קיינמאל קאליע מיט'ן מאכן א טעות. '''3.''' '''איר דארפט נישט קענען אלעס.''' שרייבט אפ אייער ארטיקל אין א דרעפט, (אדער בויט אויף אן עקזיסטירנדע ארטיקל/דרעפט) צו די בעסטע שטאפל וואס איר קענט. א וויקי בויט זיך צוביסלעך און ווערט אלץ בעסער דורך די חברים און באניצער, ביים [[המכלול:אריבערפירן דרעפטס|דרעפט אריבערפירן]] פראצעדור, און שפעטער{{הערה|דוגמאות: אויב קענט איר נישט גוט די [[הילף:מוסטערן|מוסטערן]], פרובירט אייער בעסטע און אנדערע וועלן שוין צופאסן און אויפארבעטן. אפילו אין די תוכן אליין, אויב איין טייל פון א סוגיא איז אייך נישט קלאר, אויב איין געוויסע תקופה אין היסטאריע פון א באגריף איז אייך נישט באקאנט, שרייבט אלעס אנדערש און לאזט פאר אנדערע אריינצופילן די איבריגע.}}.

המכלול בויט זיך דורך די באניצער, און וואס מער שרייבער אלץ רייכער ווערט עס. אויב קענט אביסל וויקי קאוד, קוקט אייך אום אביסל אויפ'ן זייטל וויאזוי זאכן לויפן דאהי, [[באַזונדער:שאפֿן קאנטע|שאפט א קאנטע]] און נעמט אייך תיכף צו דער ארבעט, און [[המכלול:שרייבן פראיעקט|שרייבט אפ]] ארטיקלען אין סיי וועלכע טעמע עס פאראינטערעסירט אייך{{הערה|אויב האט איר נישט א ספעציפישע געביט פון אינטערעסע, קענט איר קלויבן געדאנקען [[המכלול:שרייבן_פראיעקט#נויטיגע_ארטיקלען|דא]].}}. איר קענט באזירן אייער ארבעט אויף אנדערע ענציקלאפעדיעס, ווי המכלול אויף העברעאיש, אדער וויקיפעדיע{{הערה|זעט איבער געבן קרעדיט [[המכלול:לעגאלע_קלארשטעלונגען#טערמינען_פון_באניץ_און_קאפירעכטן|דא]].}}.

אויב קענט איר נישט וויקי, אדער צו ווייניג אויף צו קענען אפשרייבן א נייעם ארטיקל, געבט א ליין איבער [[המכלול:המכלול שטאפל ביי שטאפל|המכלול שטאפל ביי שטאפל]], און שפילט ארום אינעם [[המכלול:זאמדקאסטן|זאמדקאסטן]]{{הערה|איר דארפט נישט פאקטיש אפהיטן די ענדערונגען, איר קענט דרוקן אויפ'ן "זעט אויסקוק" קנעפל און זען די תוצאות פון אייערע פעולות.}}. ווען איר כאפט אביסל דעם נושא, הייבט אן מיט איבערקוקן [[:קאטעגאריע:דרעפטס]] און בויט אויף ארטיקלען, אדער לייגט צו וויכטיגע אינפארמאציע און הגהות צו עקזיסטירנדע ארטיקלען. הייבט ענדערש אן קליין, מיט קלענערע רעדאגירונגען איידער'ן אפשרייבן א גאנצער ארטיקל. ס'נעמט אביסל צייט צו כאפן פולשטענדיג דעם שניט און גאנג.

 

פון די אנדערע זייט, איז אפשרייבן אדער פארבעסערן אינפארמאציע נישט די איינציגסטע וועג וויאזוי איר קענט דא צוגעבן. אויפשטעלן א פולשטענדיגע ענציקלאפעדיע אויף היימיש אידיש איז א אמביציעזע אונטערנעמונג, און דער סיסטעם באנוצט דערצו איז פארצווייגט און פילזייטיג. קענט איר זיך אויס מיט אידישע גראמאטיק אדער שפראך? טויגט איר צו דעזיין און גראפיקס? פארמאגט איר א חוש אין פראגראמינג? דאס אלעס, און נאך אסאך, קען גאר גוט צונוצקומען פאר דעם פראיעקט. אויב זענט איר נישט זיכער מיט וואס איר קענט צושטייער געבן, קענט איר אלעמאל אויסשמועסן אייערע אינטערעסן אדער טאלאנטן אין [[המכלול:קרעמל|קרעמל]], און דער עולם וועט אייך זיכער צושטעלן א פולע ליסטע פון געדאנקען...