רוי:רבי שמעון נתן נטע בידערמאן (קראקע)

רבי שמעון נתן נטע בידערמאן

געבורט	י"ח אייר ה'תרכ"ט
טויט	ג' תשרי ה'תר"צ (אלט: 60)
5'טער לעלאווער רבי → דוד צבי שלמה בידערמאן משה מרדכי בידערמאן ←

רבי שמעון נתן נטע בידערמאן (י"ח אייר תר"ל, 1870 - ג' תשרי תר"צ, 1929) איז געווען דער פינפטער לעלאווער רבי.

ביאגראפיע

ער איז געווען דער זון פון רבי דוד צבי שלמה בידערמאן און זיין ווייב מרים, א טאכטער פון רבי נח פינחס הורוויץ פון בראד און צפת. ער האט געהייראט מרת חנה, די טאכטער פון רבי יוסף ציינווירט פון קראקע. ער געווען איינער פון די חכמים פון  ישיבת שער השמים. ער איז ארויסגעפארן קיין פוילן אין די יארן תרנ"ג, תרס"ו און תרע"ג. ביי זיינע נסיעות איז ער געבליבן א לאנגע צייט ביי זיין רבי'ן רבי ישראל פערלאוו, דער סטאלינער רבי. אין תרע"ג האט ער זיך באזעצט אין קראקע און געפירט זיין הויף דארט. אין תרפ"ו, נאך 13 יאר, אין ער צוריק קיין  ארץ ישראל וואו ער האט זיך באזעצט אין דער אלטשטאט ירושלים, דארט האבן די חסידים פון זיין פאטער, וואס איז נפטר געווארן אין תרע"ח, מקבל געווען זיין אדמורו"ת. ער אליין איז געבליבן א קארלינער חסיד.

נאך דער פטירה פון זיין ווייב (בערך אין תר"ע) האט ער חתונה געהאט בזיווג שני מיט דער אלמנה פון הרב אברהם שווארץ, אב"ד פשעמישל.

משפחה

• רבי משה מרדכי בידערמאן (תרס"ד - כ"ד טבת תשמ"ז)
• רבי יעקב יצחק בידערמאן (כ"ג שבט תרס"ז - כ"ג אלול תשמ"א)
• פנחס חיים
• אלישבע ווייב פון מנשה ליפשיץ
• רבקה רחל ווייב פון אברהם יוסף בראנדוויין, בזיווג שני ווייב פון יעקב ערבליך.

דער בלאט קומט פון יידיש-וויקיפעדיע.
אריגינעלער בלאט • ערלויבעניש cc-by-sa 3.0.

דאס איז נישט קיין המכלול ארטיקל, בלויז עפעס וואס ליגט דא ביז עס וועט ערזעצט ווערן מיט בעסערס. שרייבט עס איבער!