רוי:רבי נפתלי הורוויץ (מעליץ)

רבי נפתלי הורוויץ זצ"ל (ד' טבת ה'תר"ה – י"ח תשרי ה'תרע"ו). רב אין מעליץ.

אפשטאם

רבי נפתלי איז געבוירן ד' טבת ה'תר"ה, צו זיין פאטער הרב יהודה הורוויץ, א זון פון הרב יעקב הורוויץ רב אין מעליץ, א זון פון הרב נפתלי צבי הורוויץ, דער ראפשיצער רב. און צו זיין מוטער א טאכטער פון הרב חיים מאיר יחיאל, דער "שרף" פון מאגלניצא (אן איידעם פון הרב אלעזר פון ליזשענסק, א זון פון נועם אלימלך), א זון פון הרב אבי עזרא זעליג פון גרעניץ און אן איידעם פונעם קאזשניצער מגיד.

זיינע רבי'ס

הרב חיים האלבערשטאם דער דברי חיים, דער גוטער יוד פון ניישטאט, רבי נפתלי האט געגעסען קעסט ביים זיידען הרב אליעזר הורוויץ רב אין דזשיקאוו צוזאמען מיט הרב צבי אלימלך שפירא פון בלאזשאוו.

רבנות

אין יאר ה'תרל"ט איז רבי נפתלי געווארן רב אין מעליץ אויף דעם פאטער'ס ארט, ביי די ערשטע וועלט קריג איז ער אנטלאפען קיין וויען.

הסתלקות

רבי נפתלי איז נפטר געווארן אין וויען י"ח תשרי ה'תרע"ו, מען האט אים געפירט צו קבר אבות, קיין מעליץ.

פאמיליע

רבי נפתלי האט געהייראט בזיווג ראשון א טאכטער פון הרב מאיר נתן האלבערשטאם, א זון פון צאנזער רב דער דברי חיים. זייער טאכטער:

• מרת שפרינצא, די ווייב פון הרב חיים אליעזר אונגאר (ה'תרכ"ה (אומגעפער) – ה'תר"פ), רב אין ראדליב, א זון פון הרב יעקב יצחק אונגאר, פון זשאבנא.

בזיווג שני האט רבי נפתלי געהייראט מרת רעכיל א טאכטער פון הרב אביש קאנער פון סאניק. זייערע קינדער:

• הרב אלימלך הורוויץ הי"ד (ה'תרמ"א - ה'תש"ב), פון מעליץ קראקא. ער האט געהייראט מרת בינה, א טאכטער פון הרב צבי הירש הורוויץ.

• הרב אלעזר הורוויץ הי"ד (ה'תרמ"ב (אומגעפער) - ה'תש"ג), רב אין בארווע. ער האט געהייראט בזיווג ראשון א טאכטער פון הרב משה קאנער, פון סאנוק. בזיווג שני האט ער געהייראט מרת יוטא א טאכטער פון הרב גרשון וויינשטאק פון קיטוב. זיינע קינדער:

• הרב אברהם אביש הורוויץ, רב אין יאדלאווע. ער איז אומגעקימען אויף קידוש השם, הי"ד.
• הרב יעקב הורוויץ, ער האט געהייראט מרת רחל א טאכטער פון הרב אריה לייביש מרדכי האלבערשטאם, רב אין שינאווא.
• מרת סאשא, די ווייב פון הרב יחיאל מיכל מאסקאוויטש אין ניו-יורק, א זון פון הרב שלום מאסקאוויטש, רב אין שאץ.

• הרב מנחם מענדל הורוויץ הי"ד (ה'תרמ"ג (אומגעפער) – ה'תש"ג), ממלא מקום פון פאטער, רב אין מעליץ.

• הרב אברהם אביש הורוויץ הי"ד (ה'תרנ"ז - ה'תש"ד), רב אין ספינקא און קראלי.

• הרב דוד הורוויץ.

• מרת חיה הינדא הי"ד, די ווייב פון הרב משה אליעזר הורוויץ הי"ד, רב אין רימאנאוו

• מרת צפורה, די ווייב פון הרב פנחס שמעיה האלבערשטאם פון גריבאוו צאנז, א זון פון הרב אריה לייביש האלבערשטאם.

• מרת רחמה, די ווייב פון הרב סיני האלבערשטאם (ה'תר"ל - כ"ו תמוז ה'תש"א), רב אין זשמיגראד.

• מרת תרצה, די ווייב בזיווג ראשון פון הרב בן-ציון האלבערשטאם רב אין באבוב, איבער דעם גט איז פראגעקומען גרויסע קריגערייען צווישן די הייפען פון באבוב אין מעליץ.

• הרב יצחק הורוויץ (ה'תרס"ב (אומגעפער) – כ"ב תמוז ה'תשל"ח), מעליצער רבי אין ניו יארק.

• הרב ברוך הורוויץ (ה'תר"ס (אומגעפער) - כ"ד כסלו ה'תשט"ו), ליזשענסקער רבי אין ניו יארק.

• מרת ביילא מירל, די ווייב פון הרב יחזקאל האלשטאק אב"ד אסטראווצע

• מרת פריידא, די ווייב פון הרב אשר לעמיל הורוויץ (ה'תרמ"ו - י' סיון ה'תרצ"ג (אומגעפער) ), רב אין שענדישאוו, א זון פון הרב טוביה הורוויץ, רב אין שענדישאוו.

• מרת ברכה, די ווייב פון הרב דוד טייטלבוים פון פרעמיסלא

• מרת סאשא, די ווייב פון הרב יוסף דוד רובין פון סאסוב

זיינע ספרים

• קדושת נפתלי על התורה

רעפערענצן

• י"ג אורות - סיפורים דערציילט דורך יענקלי לייזער דער פשעווארסקער רבי - ארויס געגעבן דורך זיין אייניקל הרב יוסף נפתלי וואגשאהל, ה'תשנ"ד
• אנציקלופדיה לחכמי גליציה, מאיר וונדר

דער בלאט קומט פון יידיש-וויקיפעדיע.
אריגינעלער בלאט • ערלויבעניש cc-by-sa 3.0.

דאס איז נישט קיין המכלול ארטיקל, בלויז עפעס וואס ליגט דא ביז עס וועט ערזעצט ווערן מיט בעסערס. שרייבט עס איבער!