רוי:קאנסטאנטין כאבענסקי

דער אַרטיקל איז א יתום, קיין אַרטיקל לינקט צו עס. איר זענט געלאדנט צו ביישטייערן צו המכלול און פארבינדן צו עס פון ארטיקלען וואס אנטהאלטן "קאנסטאנטין כאבענסקי".

 

קאנסטאנטין כאבענסקי

קאָנסטאַנטין כאַבענסקי (רוסיש: Константин Хабенский, געב. דעם 11טן יאַנואַר 1972, לענינגראַד, פססר) איז א רוסלענדישער טעאַטער- און קינאָ-אַקטיאָר פון דער ייִדישער אָפּשטאַמונג.

לעבנס-געשיכטע

קאָנסטאַנטין כאַבענסקי איז געבוירן געוואָרן און אויסגעוואַקסן אין לענינגראַד (היינט פעטערבורג). זינט 1981 ביז 1985 האָט ער געוואוינט אין דער שטאָט ניזשנעוואַרטאָווסק אין מערב-סיביר, וואוּ עס האָבן דעמלט געאַרבעט זיינע עלטערן, אינזשענערן-הידראָלאָגן לויטן פאַך.

אין 1990 – 1995 האָט קאָנסטאַנטין כאַבענסקי זיך געלערנט אינעם לענינגראַדער מלוכה-אינסטיטוט פאַר טעאַטער, מוזיק און קינעמאַטאָגראַפיע. אין אָט די יאָרן האָט ער אָנגעהויבן אַרויסטרעטן אין פּעטערברוגער טעאַטערן און עפּיזאָדיש אויך אין קינאָ. אין 1996 האָט ער זיך אַריבערגעצויגן קיין מאָסקווע, וואוּ ער האָט געשפּילט אויף דער בינע פון אַרקאַדי רייקינס טעאַטער "סאַטיריקאָן". יעצט אַרבעט קאָנסטאַנטין כאַבענסקי אינעם מאָסקווער קינסטלערישן טעאַטער אויף אַנטאָן טשעכאָווס נאָמען. פאַראַלעל איז ער געוואָרן איינער פון די פּאָפּולערסטע היינטצייטיגע רוסלענדישע קינאָ-אַקטיאָרן.

באַזונדערס איז ער באַקאַנט געוואָרן נאָך אויספילן די ראָליע פון אַנטאָן גאָראָדצקי אין די רוסלענדישע פאַנטאַסטישע פילמס "נאַכט-פּאַטרול" («Ночной дозор», 2004) און "טאָג-פּאַטרול" («Дневной дозор», 2005). קאָנסטאַנטין כאַבענסקי האָט אויסגעפילט ראָליעס פון יידישע פּערסאָנאַזשן אין רוסלענדישע פילמס: הערש יצחק גרשוני אינעם היסטאָרישן פילם "די אימפּעריע אונטערן קלאַפּ" («Империя под ударом», 2000), דמיטרי באָגראָוו אינעם היסטאָרישן פילם "דאָס לעבן און דער טויט פון פּיאָטר אַרקאַדיעוויטש סטאָליפּין" («Жизнь и смерть Петра Аркадьевича Столыпина», 2002), ליוושיץ אינעם פילם "אייגענע" («Свои», 2004), לייב טראָצקי אינעם פילם "יעסענין" («Есенин», 2005), גרין אינעם קינאָ-סעריִאַל "סטאַטס-ראַטגעבער" («Статский советник», 2005"), אהרן סימאַנאָוויטש אינעם היסטאָרישן פילם "ראַספּוטין" («Распутин», 2011), יורי לעוויטאַן אינעם פילם מיטן זעלבן נאָמען («Юрий Левитан», 2014), אלכּסנדר פּעטשערסקי אינעם פילם "סאָביבאָר" ("Собибор", 2017) אא.

צוגאָבלעגע אינפאָרמאַציע

נאַטאַליע כאַבענסקאַיאַ, די עלטערע שוועסטער פון קאָנסטאַנטין כאַבענסקי, איז אַ זינגערן אַן אויספילירן פון ייִדישע לידער, אַ סאָליסטקע פונעם פּעטערבורגער ייִדישן מוזיקאַלן אַנסאַמבל. קאָנסטאַנטין כאַבענסקי האָט געגרינדעט אין רוסלאַנד אַ צדקה-פאָנד לטובת קינדער, וואָס זענען קראַנק אויף קאַנצער. זינט 2010 האָט קאָנסטאַנטין כאַבענסקיס פאָנד אָנגעהויבן עפענען סטודיעס פאַר שעפערישער אַנטוויקלונג פון קינדער איבער שטעט פון רוסלאַנד (ביז יעצט זענען געעפנט געוואָרן אַזעלכע סטודיעס אין פּעטערבורג, וואָראָניעזש, קאַזאַן, נאָוואָסיבירסק, אופאַ, ניזשני טאַגיל, יעקאַטערינבורג און פּערם).

דרויסנדע לינקס

• וועגן קאָנסטאַנטין כאַבענסקי אויפן וועבזייטל פונעם מאָסקווער טעאַטער אויף אַנטאָן טשעכאָווס נאָמען (אויף רוסיש)

דער בלאט קומט פון יידיש-וויקיפעדיע.
אריגינעלער בלאט • ערלויבעניש cc-by-sa 3.0.

דאס איז נישט קיין המכלול ארטיקל, בלויז עפעס וואס ליגט דא ביז עס וועט ערזעצט ווערן מיט בעסערס. שרייבט עס איבער!