אונטערשייד צווישן ווערסיעס פון "אראבישע ליגע"

פון די פריע 1900 יארן האבן אראבישע פירער געזוכט צו האבן א שטערקערע ווארט און צוזאמענארבעט. נאכן ערטשן וועלט קריג מיט די צוזאמפאל פון די [[אטאמאנישע אימפעריע]] האבן עטליכע אראבישע לענדער געווינען טיילווייזע זעלבסטשטענדיגקייט און מיטן [[צווייטן וועלט קריג]] האט זיך געהויבן די אראבישע נאציאנאליזם, און די ווילן זיך צו גענצליך באפרייען פון אייראפעאישע קאלאנאליזם און דרויסנדיגע דאמינאנץ. די בריטן וועלכע האבן געוועלטיגט אויף גרויסע טיילן פונעם מיטל מזרח האבן דאן געשטיצט די פריע געשפרעכן האפנדיג צו אריבערגעווינען די אראבישע לענדער אויף די זייט פון די אליאירטע קעגן נאצי-דייטשלאנד{{הערה|{{Citation|last = Lüthi|first = Lorenz M.|title = The United Kingdom and the Arab League.|date = 2020|url = https://www.cambridge.org/core/books/abs/cold-wars/united-kingdom-and-the-arab-league/54A8AA0A0C43A230AC776B2187CED860|pages = 42-67|publisher = Cambridge University Press|doi = 10.1017/9781108289825.004}}.}}. עטליכע זיצונגען זענען אפגעהאלטן געווארן אין די יארן 1942–1944 אין בעפארברייטונג צו אוועקשטעלן די ליגע.

אויף די איניציאטיוו פון דער עגיפטישער פרעמיער מיניסטער [[ מוסטאפא על-נאחאס פאשא]], איראקער פרעמיער מיניסטער [[נורי א-סאאיד]], און דער קעניג פון [[ירדן|טראנס-ירדן]] [[אבדוללאה איבן כוסעין]], האבן זיך זיבן אראבישע געטראפן אום פרילינג פון יאר 1944 אין [[אלעקסאנדריע]], עגיפטן, צו דיסקוסירן די פלענער פון שאפן אזא ארגאניזאציע, און אום [[מערץ 22]] 1945 איז די אפיציעלע פראטאקאל געווארן אונטערגעשריבן דורך די גרינדער שטאַטן. כאטש טייל נאציאנאליסטן האבן געהאפט צו שאפן א פאראייניגטע אראבישע שטאט אדער פאראיין, אבער מערסטנס באטייליגטע זענען נישט איינגעגאנגען צו אויפגעבן זייער זעלבסטשטענדיגקייט, און אנשטאט איז געשאפן געווארן א לויזע פארבאנד פון באזונדערע זעלבסטשטענדיגע שטאַטן.

די אפיציעלע הויפטקווארטיר איז אוועקגעשטעלט געווארן אין קאירא, עגיפטן, און יעדע מיטגליד האט איין שטימע אין די "קאנסיל פון די אראבישע ליגע", און באשלוסן זענען נאר בינדענד פאר מיטגלידער וואס האבן אנטיילגענומען אין די אפשטימונג.