אונטערשייד צווישן ווערסיעס פון "רוי:רבי אברהם גראדזינסקי"
ק (החלפת טקסט – "יידישע טויט דאטום" ב־"אידישע טויט דאטום") |
ק (החלפת טקסט – "קאַטעגאָריע\s?:\s?יידן" ב־"קאַטעגאָריע:אידן") |
||
| שורה 32: | שורה 32: | ||
[[קאַטעגאָריע:רבנים אומגעקומען אין חורבן אייראפע]] | [[קאַטעגאָריע:רבנים אומגעקומען אין חורבן אייראפע]] | ||
[[קאטעגאריע:קדושים]] | [[קאטעגאריע:קדושים]] | ||
[[קאַטעגאָריע: | [[קאַטעגאָריע:אידן פון ווארשע]] | ||
{{קרד/ויקי/יידיש}} | {{קרד/ויקי/יידיש}} | ||
רעוויזיע פון 01:26, 17 מערץ 2023
| געבורט | ה'תרמ"ד |
|---|---|
| טויט | כ"ט תמוז ה'תש"ד (אלט: 60 בערך) |
הרב אברהם גראדזינסקי (ה'תרמ"ד - כ"ט תמוז ה'תש"ד ; 1884 - 13טן יולי 1944) איז געווען דער משגיח פון דער כנסת ישראל ישיבה אין סלאבאדקע, ליטא[1]. אין די לעצטע יארן פארן חורבן אייראפע איז הרב גראדזינסקי געווארן ראש ישיבה. ער איז דערמארדעט געווארן דורך די נאציס.
ביאגראפיע
הרב אברהם איז געבוירן געווארן אין ווארשע צו זיין פאטער רב יצחק. ביי די 17 יאר איז ער געפארן צו גיין לערנען אין דער ישיבה אין סלאבאדקע (היינט א פארשטאט פון קאוונע), און ער איז געווארן א תלמיד פון רבי נתן צבי פינקל, דער "אלטער פון סלאבאדקע". ביי די 21 יאר האט דער ראש ישיבה אים געקליבן צוזאם מיט נאך דריי בחורים איינצופירן די שיטה פון מוסר אין דער טעלזער ישיבה. נאך דער הצלחה פון דער מיסיע איז ער צוריק אין סלאבאדקע ווען ער געווען אלט 24 יאר און מען האט אים אריינגענומען אין דער הנהלה פון דער ישיבה.
ביי דער ערשטער וועלט מלחמה האט די ישיבה געוואנדערט פון ארט צו ארט. אין יענער תקופה האט הרב גראדזינסקי זיך אויסגעוויזן פאר א מנהיג און א מחנך וואס איז עמפינדלעך צו יענעמס פיין. נאך א קורצן וויזיט אין ארץ ישראל און אין דער חברונער ישיבה וואס איז געגרינדעט געווארן אין תרפ"ה דורך א גרופע סלאבאדקער בחורים, איז ער צוריקגעפארן אין סלאבאדקע, און פון תרפ"ז האט ער געדינט אין דעם אמט פון ראש הישיבה און מנהל הרוחני, וויבאלד דער אלטער פון סלאבאדקע און רבי משה מרדכי עפשטיין זענען אריבער צו פירן די ישיבה אין חברון.
משפחה
הרב אברהם גראדזינסקי האט געהייראט די טאכטער פון דעם פריערדיגן משגיח אין סלאבאדקע, הרב דוב הירש העלער. (הרב העלערס צווייטע טאכטער, איטה עטיל, האט חתונה געהאט מיט הרב יעקב קאמינעצקי.)
זייער קינדער זענען:
- הרב יצחק גראדזינסקי פון בני ברק, איידעם פון הרב מרדכי זעליוואנסקי. דער איידעם פון הרב יצחק גראדזינסקי איז הרב בן ציון קוק, זון פון הרב שלמה קוק, געוועזענער רב פון רחובות.
- די ווייב פון הרב שלמה וואלבע - פון די גרויסע בעלי מוסר אין דעם לעצטן דור
- שרה, ווייב פון הרב חיים קרייזווירטה - דער "קראקעווער עילוי", אנטווערפענער רב.
- די ווייב פון הרב ברוך ראזנבערג - ראש ישיבה פון דער סלאבאדקער ישיבה אין בני ברק.
רעפערענצן
- ↑ די ישיבה האט זיך געשפאלטן פון דער אריגינעלער סלאבאדקער ישיבה צוליב א מחלוקת וועגן איינפירן מוסר אין דער ישיבה. די מוסרניקעס האבן געגרינדעט די ישיבה "כנסת ישראל" אויפן נאמען פון רבי ישראל סאלאנטער אין אן אנדער בית מדרש, און די אלטע ישיבה האט געהאט א נאמען "כנסת בית יצחק" אויפן נאמען פונעם קאוונער רב, הרב יצחק אלחנן ספעקטאר, וואס זיין זון הרב צבי ראבינאוויטש איז געווען פון די קעגנער צו דער שיטה פון מוסר, אונטער דעם ראש ישיבה רבי ברוך בער לייבאוויץ.
דאס איז נישט קיין המכלול ארטיקל, בלויז עפעס וואס ליגט דא ביז עס וועט ערזעצט ווערן מיט בעסערס. שרייבט עס איבער!