אונטערשייד צווישן ווערסיעס פון "המכלול:אלגעמיינע אנווייזונגען פאר שרייבער"

אין המכלול לייגט מען א געוויכט אז די ארטיקלען זאלן אויסזען די זעלבע און זאלן זיין אויסגעשטעלט ענדליך. דער אויסשטעל שטאמט פון המכלול העברי (און דארטן קענט איר טרעפן [[באלערנדע הילף בלעטער דערוועגן]]), וואס מאכט נאך וויקיפעדיע (דארטן איז אויך דא [[וואס צו ליינען]]). אויפן שפיץ גאפל זענען די ארטיקלען אויסגעשטעלט ווי פאלגענד:

*'''[[#אנהייב|אנהייב]]''': א קורצע תמצית פון די ארטיקל, על פיר רוב ביז דריי פאראגראפן, וואס געבט דעם ליינער די וויטיגסטע אינפארמאציע אויפן שפיץ גאפל.

*'''זעט אויך''': א ליסטע פון ארטיקלען אין ענדליכע אדער פארבינדענע טעמעס.

*'''צו ליינען מער''': א קאנצערטרירטע ליסטע פון אינפארמאטיווע קוועלער וואו די ליינער קען פארברייטערן זיינע ידיעות איבערן טעמע. געאייגנט פאר קוועלער וואס זענען בעיקר נישט אויפן געוועב.

*'''נאטיצן''': קורצער אויפקלערונגען אויף געוויסע פונקטן דערמאנט אין די ארטיקל.

*קאטאגאריעס און פארשידענע מוסטערן וואס דארפן דארט זיין (צב"ש, קרעדיט פאר וויקיפעדיע).

ביים ענדע פון יעדער ארטיקל, זענען פראהאן צוויי קאפיטלען מיט די קעפלעך "נאטיצן" און "רעפערענצן". די צוויי זענען ווי הערות פון אונטן באקאנט פון געווענליכע ספרים. זענען אבער דא פארשידנע חילוקים צווישן די צוויי, ווי אויך איינגעפירטע נארמעס צו האלטן די ארטיקלען אין המכלול אייניג.

די חילוק צווישן רעפערענצן און נאטיצן איז, אז נאטיצן איז בעיקר געווידמעט צו '''ערקלערן''' די אינהאלט פון די ארטיקל, און די רעפערענצן איז בעיקר עס '''אונטערצושטיצן''' מיט מקורות. געבויעט אויף דער געדאנק דארף מען ניצן די צוויי.

*מראה מקומות. מען זאל דאס פארצייכענען אין איינקלאנג מיט די ריכטליניעס איבער [[המכלול:ביבליאגראפיע|ביבליאגראפיע]], וואס לויטן, אין איין ווארט, אז עס דארף שטיין: די נאמען פונעם שרייבער, די טיטל פונעם ספר/מאמר, [נאמען זושרנאל - אויב רעלעוואנט] , פלאץ, און יאר געדרוקט. דערנאך א מראה מקום אין די ספר - בעסער א בלאט נומער.

*דוגמאות. א ביישפיל אונטערצושטיצן א פאקט דערמאנט אין די ארטיקל, ווי א מקור איז נישט אזוי רעלעוואנט. צום ביישפיל; שרייבנדיג אויף די רש"י'ן, אז ער זאגט אמאל "לא ידעתי", קען ווערן אונטערגעשטיצט מיט אפאר דגומאות אין א רעפערענץ (אזוי ווי עס איז [[ע:רש"י#מידותיו והליכותיו|פאקטיש געטון געווארן אין המכלול העברי]]).

*ביבליאגראפישע נאטיצן. אזעלכע זאצן ווי: "זעט איבערדעם אין .....", "מערערע מקורות געזאמלט דורך....", און דערגלייכן.

*נאטיצן. ווען עס זענען דא ווייניג נאטיצן, וועט מען זיי צוזאמשטעלן מיט די רעפרענצן אין איין קאפיטל. ווען עס זענען דא אונטער דריי נאטיצן גייען זיי זיכער אריין צווישן די רעפערענצן, אבער צומאל אפילו ווען עס זענען דא מער.

אויב די גאנצע ארטיקל איז געבויט אויף צווי דריי קוועלער, אין די רעפערענצן וועלן דארף איבער חזר'ן די זלעבע מקורות נאכמאל און נאכאמאל, קענט איר אויס לאזן די רעפערענצן, און אויסרעכענען די קוועלער אין די קאפיטל "צו ליינען מער", און די פאר זאכן וואס קומען פון אנדערע קוועלער זאלן יא האבן א רעפערענץ. דאס איז ווילאנג יענער צווי-דריי קוועלער זענען געווידמעט בעיקר אויף דער טעמע (אן ארטיקל אין אן ענציקלאפעדיע, אן קאפילטן אין א היסטאריע בוך), און די טיטל דערפון זאגט עס ארויס.

פאלגענד זענען זאכן וואס מען וועט לייגן אין די נאטיצן. די זאכן אויסגערעכנט ערשיינען צומאל אין די ארטיקל זעלבסט, אבער צומאל, געוואנדן אין די נאטור פון די טעמע, וועט עס גיין אין די נאטיצן:

*ערקלערונגען. אויב איז נייטיג אמאל מסביר צו זיין אדער קלארשטעלן זאכן וואס ווערן דערמאנט אין די ארטיקל, טוט מען עס אין א נאטיץ. צום ביישפיל, אויב די כראנאלאגיע איבער געשעעשנישן איז אומקלאר, וועט מען צו צייכענען אויף וועמען די דאטומען אין ארטיקל איז באזירט; אזוי אויך אלטערנאטיווע דאטומען, ("דאטומען לויט א. הויכנברעגער. לויט ב. מיכלגרובער, האט די אינוואזיע פאסירט אום 1652 און זיך געענדיקט אומ 1658").

*שקלא וטריא. אין תורה'דיגע ארטיקלען, ווען די שיטות אין די ראשונים און די פוסקים ווערן קאמפלאצירט, זענען נאטיצן א ניצליכע מיטל צו האלטן די ארטיקל זעלבסט פשוט און גרינג, אינדערצייט וואס די נאטיצן ברענגען ארויס די מפולפל'דיגע, דקות'דיגע אדער לומד'ישע חילוקים צווישן די שיטות.

*פארשידנארטיגס. נאטיצן זענען דער אומאפציעלע פלאץ וואו שרייבער רוקן אריין ווארע וואס געהערט נישט אין די ארטיקל זעלבסט, אבער איז צו וויכטיג אדער באליבט אז דער שרייבער זאל אינגאנצן אויפגעבן דערויף. דאס איז ערלויבט בעיקר אין ארטיקלען וואו עס זענען סיי ווי דא מערערע נאטיצן, און נאך איינס וועט נישט שאדן.

כדי די רעפערענצן און נאטיצן זאלן ערשיינען אין זייערע קאפיטלען ווי עס באדארף צו זיין, דארף מען לייגן ביים ענדע פון די ארטיקל די פאלגענדע קאוד:

==אנהייב{{הערה|דער קאפיטל גייט אריבער צו אן עססעי סטייל, צוליב די וויכטיגקייט פון פארשטיין די וויכטיגקייט}}==

די "אנהייב" פון אן ארטיקל איז דער קרוין און שפיץ דערפון; באטראכט עס ווי א קונסטווערק, און שלייף עס ווי א דיימאנט.  

צום אלעמען ערשט, נעמט אין אכט אז רוב רובם פון די ליינער ליינען בלויז די אנהייב פון אן ארטיקל; דאס איז וואס מען זעט ווען מען לייגט די מייזל איבער א אינערליכע לינק, און דער טייל איז דאס וואס ווערט דאס מערסטע געליינט און דאס מערסטע ציטירט. דורך דעם אנהייב וועט איר דאס מערסטע משפיע זיין אויף דער וועלט.

די אנהייב דארף דערלנאגן פארן ליינער די וויכטיגסטע און בולט'דיגסטע פונקטן פון די טעמע, אין ווינגסטע ווערטער. אין זשורנאליזם וואלט דער פליכט דעפינירט געווארן ווי פאלגענד: עס דארף קענען אויספירן די שווערע פליכט פון ענטפערן אויף די פאלגענדע [[ע:חמש המ"מים|פינף פראגעס]]: ווער? וואו? ווען? וואס? פארוואס?, און אין געוויסע פעלער אויך: וויאזוי?

די אנהייב פון די ארטיקל דארף אויך ארויסהייבן און ארויסברענגן די חשיבות און [[ענציקלאפעדישע וויכטיגקייט]] פון דער טעמע.

פאלגענד זענען אלגעמיינע פארשריפטן פאר די אנהייב, טייל פון זיי שטאמען פון די פראבע צו האלטן די אויסזע פון המכלול אייניג, און טייל פון זיי אלץ קוואלעטעט:

*'''די אנהייב איז נישט קיין אריינפיר''' אדער אונטערגרונד צום טעמע, דאס קען געטון ווערן אין די ארטיקל זעלבסט אין א קאפיטל מיטן טיטל "אריינפיר". עס איז א תמצית און א קוצרע איבערזיכט אויף די טעמע.

*שרייב די אנהייב נאך די גאנצע ארטיקל, אדער שרייב עס איבער נאכאמאל דאן. א גרייטע ארטיקל וועט אייך ערמעגליכן צו קענען אפשאצן ריכטיג וואס געהער אין די אנהייב. אזוי קענט איר קיינמאל נשיט וויסן ווי אהין דער ארטיקל וועט אייך פירן.

*די ערשטע ווארט אדער פאר ווערטער פון די אנהייב איז די פולע און אפציעלע נאמען פון די טעמע, אין באָלד בוכשטאבן. אין זעלטענע פעלער לייגט מען צו אן ארטיקל ("דער", "א") און און נאך מער זעלטענע פעלער די וויסנשאפטליכע געביט ("אין מאטעמאטיק, איז א '''פאקטאר'''...").

*נאך די נאמען, קומען אין קלאמערן די פארשידענע וואריאציעס פון די נאמען, אין פארשידנע שפראכן; טייל מאל אריינגערעכנט פאנעטישע אנוויזונגען. אזוי אויך קומען דארט די צייט און פלאץ און אנדערע פרטים לפי הענין.

*די נאמען פון די טעמע, איז טייל פון די ערשטע זאץ אין די ארטיקל. די ערשטע זאץ דארף דעפנירן דער טעמע, און עס שילדערן מיט א קלארקייט, ('''רבינו משה בן מימון''' (....) איז געווען א פוסק, מפרש, פילאזאף, אלצווייסער און דאקטער אין די מיטלאלטער, און איז פון די גרעסטע פוסקים און פון די געשעצסטע פערזענליכקייטן ביי אידן אין אלע דורות, און פון די וואס האבן אוועקגעשטעלט די יסודות הדת און עיקרי האמונה"). דער גאנצע ארטיקל אין איין זאץ.

*די ערשטע פאראגראף דארף ענטהאלטן די דעטאלן איבערן טעמע וואס מאכן עס באקאנט און בארעכטיגט פאר אן ארטיקל דא. דא איז ווי דער [[ענציקלאפעדישע וויכטיגקייט]] דארף ערקלערט ווערן.

*די איבריגע טייל פון די אנהייב, ביז דריי פאראגראפן אלעס צוזאמען על פיר רוב, דארף איבערגעבן די גאנצע ארטיקל אויפן שפיף גאפל, אויף א פארשטענדליכע און אינפארמאטיווע אופן. שטעל דיר פאר מען געבט דיר נישט מער ווי דריי פאראגראפן צו רעדן וועגן אייער טעמע.  

*ציינכט נישט צו קיין רעפערענצן אדער נאטיצן אין די אנהייב. פון נאטור אויס, איז די אנהייב א סיכום און תמצית פון די ארטיקל זעלבסט, און ווערן דערין נישט דערמאנט קיין שום חידושים וואס ווערן נישט שפעטער איבערגע'חזר'ט – מיט די פאסיגע רעפערענצן און נאטיצן.

*לייגט צו א פאסיגע מוסטער מיט דאטע איבער דער טעמע דארט ווי עס איז שייך.

*לייגט אריין ביים טעמע איין – אבער איין – בילד (אויב איז דא א מוסטער מיט דאטע גייט עס אריין דארט). זעלבסט פארשטענדליך, היות עס וועט זיין בלויז איין בילד, קלויב אויס דאס בעסטע, וואס וועט דאס מערסטע דערגענצן די הבנה איבער די טעמע.

צו געבן א באגריף וויאזוי אן אנהייב פון אן ארטיקל דארף אויסזען, נעמט אין באטראכט די פאלגענדע: טייל לענגערע ארטיקלען ווערן צעשפילעטרט אויף קלענער טיילן; די "טאטע" ארטיקל איז צעטיילט אויף קלענערע קאפיטלען, יעדער קאפיטלט שילדערט אין קורצן איין חלק פון די טעמע, און שיקט צו א "פארברייטערטע ארטיקל" דערוועגן.  

זע מער איבער די אנהייב אין וויקיפעדיע {{אנ|Wikipedia:Manual of Style/Lead section}}