רוי:גאנצע ליקוי חמה פונעם 22סטן יולי 2009

די ליקוי חמה אין ניי דעלי, אינדיע

גאנג פון דער ליקוי

די גאנצע ליקוי חמה פונעם 22סטן יולי 2009 איז א גאנצע ליקוי חמה ווען די זון איז געווען אינגאנצן באדעקט במשך 6:39 מינוט. דאס איז די 37סטע ליקוי פון סה"כ 71 אין דער 136סטער סאראס סעריע. די ליקוי איז געווען זעבאר בעיקר אינעם ראיאן פון כינע און צענטראל אזיע.

די ליקוי חמה איז געווען די לענגסטע זייטן אנהייב פונעם 21סטן יארהונדערט. די נעקסטע ליקוי וואס דויערט לענגער וועט נאר זיין ערשט אינעם 13טן יוני 2132.

ביי דער ליקוי, האט דער שאטן פון דער לבנה אנגעהויבן אין צפון מערב אינדיע נאענט צו מומביי, און ווייטערגעגאנגען צו מזרח דורך נעפאל, צפון באנגלאדעש און בהוטאן, צפון מיאנמאר, אדורך צענטראלער כינע ביזן פאציפישן אקעאן. א טיילווייזער שאטן איז געווען זעבאר אין ברייטע ראיאנען פון דרום-מזרח אזיע און צפון מזרח אקעאניע.

די גאנצע ליקוי האט אנגעהויבן 00:51 (לויט UTC). די לענגסטע ליקוי (6:39 מינוט) האט פאסירט 02:35 איבערן פאציפישן אקעאן, בערך 100 קילאמעטער דרום פון די באנין אינזלען, וואס זענען דרום פון יאפאן.

וועבלינקען

• אבי בליזובסקי, ב-22 ביולי - ליקוי החמה הארוך ביותר, 9 ביולי 2009, אתר הידען
• ענת שיחור-אהרונסון, מכת שמש - אל תפספסו את ליקוי החמה בסין, 14 ביולי 2009, אתר nrg
• פרטים וועגן דער ליקוי חמה, NASA וועבזייטל

דער בלאט קומט פון יידיש-וויקיפעדיע.
אריגינעלער בלאט • ערלויבעניש cc-by-sa 3.0.

דאס איז נישט קיין המכלול ארטיקל, בלויז עפעס וואס ליגט דא ביז עס וועט ערזעצט ווערן מיט בעסערס. שרייבט עס איבער!