רוי:פלאצק

פלאצק Płock מדינה / טעריטאָריע פוילן גרינדונג דאַטע 9טער י"ה קאָאָרדינאַטן ‏52°33′N 19°42′E בירגערמייסטער אנדזשיי נאוואקאווסקי שטח 88.06 קוואדראט ק"מ הייך 60 מעטער  ‑ אין שטאָט  ‑ באַפעלקערונג ענגקייט 126,675‏  (שטייענדיג 2009) 1,400 באוואוינער א ק"מ2 צייט זאָנע UTC+1 www.ump.pl

פלאצק (פּויליש: Płock) איז א שטאָט אויפן ווייסל טייך אין צענטראל־פוילן. זייט 1999 געפינט זיך פלאצק אין דער מאזאוויער וואיעוואדעשאפט. פון 1079-1138 איז ער געווען די ערשטע הויפטשטאט פון פוילן.

די ערשטע יידישע באוואוינער אין פלאצק זענען געקומען אינעם 14טן יארהונדערט, ווען די פוילישע מלכים האבן פארברייטערט די רעכטן. זיי האבן אויפגעבויט א געמיינדע און זענען געווען א היבשער טייל פון דער באפעלקערונג ביזן 19טן יארהונדערט, אפטמאל מער ווי 40%. די אידן האבן בייגעשטייערט צו דער פארברייטערונג פון האנדל און מלאכה, און האבן געהאלפן די אינדוסטריאליזאציע.

אין 1940 האבן די דייטשע נאציס אויפגעשטעלט א געטא אין פלאצק. זיי האבן דעפארטירט א סך פון די אידן און ענדלעך האבן זיי פארטיליקט כמעט אלע אין דער חורבן אייראפע. נאך דער מלחמה זענען געבליבן נאר 300 אידן, פון מער ווי 10,000 וואס האבן געוואוינט אין דעם פלאצקער געגנט.

וועבלינקען

דער בלאט קומט פון יידיש-וויקיפעדיע.
אריגינעלער בלאט • ערלויבעניש cc-by-sa 3.0.

דאס איז נישט קיין המכלול ארטיקל, בלויז עפעס וואס ליגט דא ביז עס וועט ערזעצט ווערן מיט בעסערס. שרייבט עס איבער!