רוי:דוד קאנעווסקי

דער אַרטיקל איז א יתום, קיין אַרטיקל לינקט צו עס. איר זענט געלאדנט צו ביישטייערן צו המכלול און פארבינדן צו עס פון ארטיקלען וואס אנטהאלטן "דוד קאנעווסקי".

 

דוד קאַנעווסקי (אוקראַיִניש: Давид Ісакович Каневський ,‏1916 – 26טן דעצעמבער 1944) איז געווען אַן אוקראַיִנישער דיכטער פון דער ייִדישער אָפּשטאַמונג.

לעבנסגעשיכטע

דוד קאַנעווסקי איז געבוירן געוואָרן אין 1916 אין דער שטאָט לאָכוויצע (דעמלט – אין באַשטאַנד פון דער טשערניגאָווער גובערניע פון דער רוסלענדישער אימפּעריע, יעצט – אין באַשטאַנד פון דער פּאָלטאַווער געגנט פון אוקראַיִנע). נאָכן פאַרענדיקן אַן אוקראַיִנישע שולע האָט ער געאַרבעט אין כאַרקאָוו אויף אַ זאַוואָד. איינצייטיק האָט דוד קאַנעווסקי געשריבן נאָטיצן, קאָרעספּאָנדעצן און שפּעטער אויך לידער, וועלכע ער האָט פאַרעפנטליכט אין אָרטיקע אוקראַיִנישע צייטונגען. אין 1937 האָט ער אָנגעהויבן זיך לערנען אויף היסטאָרישן פאַקולטעט פונעם כאַרקאָווער אוניווערסיטעט. ביז דער מלחמה האָט דוד קאַנעווסקי פאַרעפנטליכט צוויי לידער-זאַמלונגע אויף אוקראַיִניש.

אין 1941 איז ער פרייוויליג אַוועק אויפן פראָנט. געדינט האָט ער אַלס מיליטערישער קאָרעספּאָנדענט. כמעט אַלע דוד קאַנעווסקיס לידער פונעם מלחמה-פּעריִאָד זענען אָנגעשריבן געוואָרן אויף רוסיש און בלויז אייניקע פון זיי – אויף אוקראַיִניש.

דעם 26טן דעצעמבער 1944 איז דער קאַפּיטאַן קאַנעווסקי, אויספילנדיק אַן אויפגאַבע פון דער צייטונג-רעדאַקציע, אומגעקומען אין אַ לופט-שלאַכט איבער בודאַפּעשט.

זיינע ביכער

• Рідна вулиця, Харьков, 1939
• Льотчики, Харьков, 1940
• Вітчизна воїнів, Київ, 1987

וועבלינקען

• דוד קאַנעווסקיס פראָנט-לידער (אויף רוסיש)

דער בלאט קומט פון יידיש-וויקיפעדיע.
אריגינעלער בלאט • ערלויבעניש cc-by-sa 3.0.

דאס איז נישט קיין המכלול ארטיקל, בלויז עפעס וואס ליגט דא ביז עס וועט ערזעצט ווערן מיט בעסערס. שרייבט עס איבער!