אונטערשייד צווישן ווערסיעס פון "רוי:לעסאטא"

לעסאטא איז א [[בערג]]יג לאנד; איר נידעריגסטע ארט איז א רעקארד 4,593 פיס העכער די [[ים פלאך]]. טאקע אינטערעסאנט. אבער אז מען רעדט פון בערג, ווי קומט זי נאנט בכלל צו [[נעפאל]] מיט אירע [[הימאלייע|הימעלייענישע]] הימל קראצערס, די אמעריקאנע [[קעניאנס]] הענקים, אדער די אטעם-פארכאפנדע [[שווייצע בערג|שווייצע טורעמעס]].

לעסאטע פארמאגט אבער נאך איין אייגנארטיג אוצר, אן ענין וואס מען געפונט נישט ביי קיין שום אנדערע מדינה (חוץ ביי צוויי קליינע כמו-לענדער): דער אפריקאנער לעסאטא איז די איינציגסטע לאנד אויף די מאפע וואס זיצט נישט ביים ים [[בארטן]] – ער איז ארומגענומען מיט יבשה מכל הצדדים, און פארט פארמאגט ער נאר איין [[גרעניץ]], דער גרעניץ מיט [[דרום אפריקע]]. אין אנדערע ווערטער, די גאנצע לעסאטא איז גענצליך איינגעשפארט אין דרום אפריקע, כאילו דרום אפריקע איז דער [[בייגל]] און לעסאטא איז דער לאך. דער רייזענדער קיין לעסאטא ווייסט אז דער איינציגער וועג אריין אין צום דריטן-וועלט לענדל איז דורך דרום אפריקע; דער טראפיק אריין אין לאנד ווערט גענצליך קאנטראלירט דורך זיי.