רוי:היפאטענוז

א גראד-ווינקל דרייעק און זיין היפאטענוז, h, מיט די אנדערע זייטן, c₁ און c₂.

א היפאטענוז איז די לענגסטע זייט פון א גראָד-ווינקל דרייעק, די זייט אנטקעגן דעם גראד ווינקל. די לענג פונעם היפאטענוז קען מען רעכענען מיטן פיטאגאראס פרינציפ, לויט וואס דער קוואדראט פון דער לענג פונעם היפאטענוז איז גלייך צום באטרעף פון די קוואדראטן פון די צוויי אנדערע זייטן.

צום ביישפיל, ווען איינע פון די אנדערע זייטן איז לאַנג 3 מעטער (מיט קוואדראט, 9 מ²) און די צווייטע איז לאנג 4 מ (מיט קוואדראט, 16 מ²). די סומע פון די צוויי קוואדראטן איז 25 מ². די לענג פונעם היפאטענוז איז דער קוואדראט ווארצל דערפון, ד"ה 5 מ.

דאס ווארט היפאטענוז שטאַמט, לויט טייל מקורות, פון גריכיש ὑποτείνουσα (היפאטיינוזא), א צוזאמענשטעל פון היפא- ("אונטער") און טייניין ("ציען").

רעכענען דעם היפאטענוז

געווענליך רעכענט מען דעם היפאטענוז מיט דער קוואדראט ווארצל פונקציע. אז מען שטעלט x = c₁ און y = c₂ צו אויסמיידן נידעריגשריפטן:

$h={\sqrt {x^{2}+y^{2}}}$

רעפערענצן

דער בלאט קומט פון יידיש-וויקיפעדיע.
אריגינעלער בלאט • ערלויבעניש cc-by-sa 3.0.

דאס איז נישט קיין המכלול ארטיקל, בלויז עפעס וואס ליגט דא ביז עס וועט ערזעצט ווערן מיט בעסערס. שרייבט עס איבער!