רוי:רעגענט

א רעגענט, פון לאטיין regens "ווער ס'הערשט", איז א מענטש וואס איז בפועל דער שטאַט'ס הויפט ווייל דער הערשער קען נישט דינען ווייל ער איז צו יונג אדער נישט אנוועזנד אדער צוליב קראנקייט.

א רעגענט קען אויך הערשן צווישן צוויי מאנארכן (למשל אין פוילן וואו מ'האט געדארפט וויילן א נייעם מלך נאכן טויט פונעם פריערדיגן) אדער ווען דער מלך שטארט אן א יורש, וואס האט פאסירט אין פינלאנד און אונגארן, וואן די מלוכה איז אויסגעשטארבן ביים ערשטן וועלט קריג. אין איסלאנד, האט דער רעגענט רעפרעזעטירט דעם מלך פון דענמארק אלס סוווראן פון איסלאנד ביז 1944, ווען עס איז געווארן א רעפובליק.

ביי אידן איז דא א מסורה אז רבי שאול וואהל איז געווען רעגענט פון דער פויליש-ליטווישער קאמאנוועלט פאר איין טאג צווישן צוויי קעניגן.

היינט צוטאגס זענען דא נאר צוויי הערשנדיגע רעגענטן אין דער וועלט: ליכטנשטיין און דער מאלייזער שטאט טערענגאנו.

אין תנ"ך

אין תנ"ך שטייט אז

• יותם האט געהערשט אלס רעגענט ווען עוזיהו האט געליטן פון צרעת.
• יהוידע הכהן איז געווענט רעגענט ווען יואש איז געווען א קינד.

הערות

דער בלאט קומט פון יידיש-וויקיפעדיע.
אריגינעלער בלאט • ערלויבעניש cc-by-sa 3.0.

דאס איז נישט קיין המכלול ארטיקל, בלויז עפעס וואס ליגט דא ביז עס וועט ערזעצט ווערן מיט בעסערס. שרייבט עס איבער!