רוי:רבי יוחנן טווערסקי

רבי יוחנן טווערסקי (ה'תקע"ו - ד' ניסן ה'תרנ"ה) איז געווען דער גרינדער פון דעם רחמיסטריווקער חסידות.

אפשטאם

רבי יוחנן איז געבוירן אין יאר ה'תקע"ו, צו זיין פאטער הרב מרדכי טווערסקי דער טשערנאבילער מגיד, א זון פון הרב מנחם נחום טווערסקי פון טשערנאביל, דער מאור עינים, א זון פון הרב צבי, א זון פון רבי נחום גאון, באקאנט אלס רבי אדם בעל שם. און צו זיין מוטער מרת פייגא, א טאכטער פון הרב דוד לייקעס.

רבנות

נאך זיין פאטער'ס פטירה אין יאר ה'תקצ"ז האט רבי יוחנן נישט געוואלט פירן קיין רעביסטעווע, האלטנדיג אז ער איז נישט פאסענט (ראוי) דערצו, הערשט עטליכע יאר שפעטער ווען מען האט אים אויפגענומען אלס מגיד אין רחמיסטריווקא האט ער אנגעהויבן צו פראווען.

הסתלקות

רבי יוחנן איז נפטר געווארן ד' ניסן ה'תרנ"ה, און ער ליגט אין רחמיסטריווקא.

זיין פאמיליע

רבי יוחנן האט געהייראט מרת חנה א טאכטער פון הרב פנחס, רב אין קאלק. זייערע קינדער:

• הרב דוד טווערסקי פון זלאטיפאלי.

• הרב מרדכי טווערסקי פון רחמיסטריווקא.

• הרב מנחם נחום טווערסקי פון רחמיסטריווקא ירושלים.

• הרב זאב וואלף טווערסקי פון רחמיסטריווקא.

• מרת שיינדיל, די ווייב פון הרב משה פון טשעשילניק, א זון פון הרב שלמה פון סאווראן.

• מרת פייגא, די ווייב פון הרב יעקב אריה לייב טווערסקי (ה'תר"ז (אומגעפער) - כ"ח אייר ה'תרע"ח), פון טוריסק, א זון פון אברהם טווערסקי, דער טוריסקער מגיד.

• מרת מלכה די ווייב פון הרב יצחק פרידמאן (ב' תשרי ה'תר"י - י"ז אדר ה'תרע"ז), פון באיאן, דער פחד יצחק.

• די ווייב פון הרב מרדכי טווערסקי פון שפיקאוו.

זעט אויך

• טשערנאבילער גזע

רעפערענצען

• מאורי אור
• אנציקלופדיה לחכמי גליציה, מאיר וונדר

דער בלאט קומט פון יידיש-וויקיפעדיע.
אריגינעלער בלאט • ערלויבעניש cc-by-sa 3.0.

דאס איז נישט קיין המכלול ארטיקל, בלויז עפעס וואס ליגט דא ביז עס וועט ערזעצט ווערן מיט בעסערס. שרייבט עס איבער!