רוי:קירצונגען אין דער יידישער שפראך

עס איז פאראן דריי אופנים צו באצייכענען קירצונגען:

1. גענדזנפיסלעך (שטריכעלעך) ביי ראשי־תיבותן אדער פאר יארן פון דעם אידישן לוח (א"י - ארץ ישראל, ד"ה - דאס הייסט, דאס יאר תשס"ח)
2. אַפּאָסטראָף (איין שטריכל) ווען מען קירצט אן איינציק ווארט (איינצאל: ז' - זייט, מערצאל: זז' - זייטן. איינצאל: פר' - פריילין, מערצאל: פר'ס - פריילינס).
3. מיט איין פינטל באצייכנט מען פרט נעמען. (מ. שומאכער אד"גל)

באמערקונגען:

• ווערטער וואס זענען שטארק אריין אין דער יידישער שפראך לייגט מען ניט קיין שטריכעלעך, ווי למשל: תנך, שס, ייווא אאז"וו.
• עס זענען דא אזעלכע (בעיקר ביי די חסידים) וואס שרייבן פינטלעך אנשטאט שטריכלעך ביי יידישע ווערטער און שטריכלעך נאר ביי תנכישע ווערטער און ביי יארן.

א טיילווייזע רשימה פון ווערטערבוך־קירצונגען אין דער יידישער שפראך

• אדוו' - אדווערב (תואר הפועל)
• אדי' - אדיעקטיוו (שם תואר)
• וו' - ווערב (פועל)
• בינדוו' בינד ווארט (מילת חיבור)
• מ"צ - מערצאל (רבים)
• פּרעפּ' - פרעפיקס (מילת יחס)
• צ"וו - צאל ווארט (שם מספר)
• פּאַרט' - פארטיקל (מילית)
• פּראָנ' - פראנאם (כינוי השם)

דער בלאט קומט פון יידיש-וויקיפעדיע.
אריגינעלער בלאט • ערלויבעניש cc-by-sa 3.0.

דאס איז נישט קיין המכלול ארטיקל, בלויז עפעס וואס ליגט דא ביז עס וועט ערזעצט ווערן מיט בעסערס. שרייבט עס איבער!