רוי:רבי יצחק אייזיק אייכנשטיין (סאפרין)

רבי יצחק אייזיק אייכנשטיין זצ"ל (ה'ת"ק - א' אדר ה'תק"ס) פון סאפרין.

אפשטאם

רבי אייזיק איז געבוירן אין יאר ה'ת"ק (אומגעפער), צו זיין פאטער, הרב צבי, א זון פון הרב אלכסנדר פון סטאווניק, נעבען דראהביטש, א זון פו הרב צבי, אן איידעם פון תוספות יום טוב.

רבנות

רבי אייזיק איז געווען אן אויסגערופענער גאון, און פלעגט זיך אויסשמועסן אין לערנען מיט דעם קצות. רבי אייזיק איז געווען פון די באהאלטענע צדיקים, זיין זון דער עטרת צבי האט פארציילט, זיין פאטער רבי אייזיק האט קיינמאל זיך נישט געזעצט עסן אויב ס'איז נישט געווען אן ארימאן ביים טיש. ער איז געווען א נאנטער חבר מיט הרב משה מסאמבור, מגיד משנה דער מחבר פון די ספרים מגיד משנה א פירוש אויפן משנת חסידים.

רבי אייזיק האט געהאט א שענק און א ווערטס הויז אין זיין דערפל, וואס פון דעם האט ער גצויגן פרנסה.

רבי אייזיק איז געווען פון די עלטערע חסידים פון חוזה פון לובלין, דער חוזה האט אים אמאל אנגעטון שבת א ווייסע בעקישע.

הסתלקות

רבי אייזיק איז נפטר געווארן אין סטריא א' אדר ה'תק"ס.

פאמיליע

רבי אייזיק האט געהייראט מרת הינדא א טאכטער פון הרב צבי, זי איז געווען א גרויסע צדיקת, און פלעגט וועקען אירע קינדער אפצורעכטען מיט איר תיקון חצות. זי איז נפטר געווארן כ"ז טבת שנת תקע"ו (עשר קדושות מהדורא תנינא).

באקאנט איז דאס ווארט וואס זי האט געזאגט פאר איר מאן איבער אירע קינדער במסל"ה נעלה, בעריש, משה, סענדר, ליפא, הערש , מיט זיי וועלן מיר ארויף גיין אויף יענע וועלט. זייערע קינדער:

• הרב צבי הירש אייכנשטיין (ה'תקכ"ג - י"א תמוז ה'תקצ"א), רב אין זידיטשוב,

• הרב משה אייכנשטיין (ה'תקכ"ה (אומגעפער) - ו' אייר ה'ת"ר), רבי אין סאמבור.

• הרב ישכר בעריש אייכנשטיין (ה'תקכ"ח (אומגעפער) - ז' סיון ה'תקצ"ב), רב אין זידיטשוב.

• הרב אלכסנדר סענדער אייכנשטיין (ה'תק"ל - כ"א אב ה'תקע"ח), רב אין קאמארנא.

• הרב ליפא אייכנשטיין (ה'תק"ם (אומגעפער) - ד' אייר ה'תקפ"א), פון סאמבור.

• מרת פערל גיטל.

• עס ווערט פארציילט אז זיי האבן געהאט נאך א זון, וואס איז אוועק יונגערהייט צוליב א מעשה וואס האט פאסירט פסח (עשר קדושות בערכו בהג"ה אות ה')

זעט אויך

• זידיטשוב (הויף)

רעפערענצן

• אנציקלופדיה לחכמי גליציה, מאיר וונדר